Enter your Email Address to subscribe to our newsletters
भुवनेश्वरम्, 24 जुलाईमासः (हि.स.)।पवित्रपुरीनगरे अद्य बाहुडायात्रामहोत्सवः समायोज्यते। अस्मिन् महोत्सवे भगवान् जगन्नाथः, भगवान् बलभद्रः, देवी सुभद्रा च गुण्डिचामन्दिरात् पुनः श्रीजगन्नाथमन्दिरं प्रति प्रस्थिताः भवन्ति। अस्य शुभावसरे नगरे व्यापकाः सुरक्षा-यातायातव्यवस्थाश्च प्रवर्तिताः सन्ति। पहण्डीबिजे-अनुष्ठानेन यात्रायाः शुभारम्भः भवति।
प्रातःकालादेव सहस्रशः श्रद्धालवः एतस्याः पुण्ययात्रायाः साक्षिणः भवितुं पुरीनगरम् आगच्छन्ति। ग्राण्डरोड् अर्थात् बडदाण्डामार्गे महती जनसमागमस्य सम्भावना वर्तते, यत्र ओडिशाराज्यात् देशस्य विविधप्रदेशेभ्यश्च आगताः भक्ताः देवतानां दर्शनार्थम् एकत्र समागच्छन्ति। रथयात्रायाः समापनपर्वरूपेण आयोज्यमानायां बाहुडायात्रायां लक्षशः श्रद्धालवः सहभागित्वं कुर्वन्ति।
प्रशासनेन रथानां निर्विघ्नप्रत्यागमनार्थं सुरक्षा, यातायातनियन्त्रणं, जनसमूहनियमनं च सम्यक् व्यवस्थापितम्। नगरस्य प्रमुखस्थानेषु सुरक्षाबलस्य नियोजनं कृतम्, विशेषतः बडदाण्डामार्गे, यतः त्रयः रथाः श्रीमन्दिरं प्रति गमिष्यन्ति। श्रद्धालूनां आवागमनस्य नियमनाय सुव्यवस्थायाः पालनाय च विशेषः प्रयासः क्रियते।
यातायातव्यवस्थापनयोजनानुसारं प्रशासनेन पुरीनगरस्य तदुपकण्ठप्रदेशानां च अन्तर्गतं एकत्रिंशत् वाहनस्थापनक्षेत्राणि निर्मितानि। एतेषु स्थानेषु प्रायः सप्तसहस्रत्रिशत् लघुमोटरयानानां अष्टादशसहस्राधिकद्विचक्रयानानां च स्थापनक्षमता वर्तते। विशालजनसमागमं दृष्ट्वा अतिरिक्तयातायातमार्गपरिवर्तनव्यवस्था नियन्त्रणोपायाश्च प्रवर्तिताः सन्ति, येन श्रद्धालवः कस्यापि प्रकारस्य असुविधायाः सामना न कुर्वन्तु।
---------------
Hindusthan Samachar / Dheeraj Maithani