Enter your Email Address to subscribe to our newsletters
रामगढम्, 24 जुलाईमासः (हि.स.)। रामगढस्थितायां बिहारफाउण्ड्री एण्ड कास्टिङ्ग्स लिमिटेड् (बी.एफ्.सी.एल्.) संस्थायां संस्थायाः उन्नयनार्थं निरन्तरं कर्मचारिभ्यः सुझावाः स्वीकृताः भवन्ति। उत्कृष्टपरामर्शप्रदातॄणां प्रोत्साहनार्थं बिजनेस् एक्सीलेन्स् विभागेन कर्मचारिणः सम्मानिताः।
निरन्तरसुधारप्रयत्नानां सम्माननार्थं शुक्रवासरे ‘काइज़ेन’ उपहारवितरणसमारोहस्य आयोजनम् अभवत्। अस्मिन् कार्यक्रमे विविधव्यावसायिकैककानां प्रमुखाः, विभागाध्यक्षाः, काइज़ेनपुरस्कारविजेतारः तथा बहुसंख्यकाः कर्मचारिणः सहभागिनः अभवन्।
अस्मिन् अवसरे प्रबन्धनेन कर्मचारिणां नवोन्मेषशीलता, सृजनात्मकचिन्तनं तथा कार्यस्थले सततसुधारसंस्कृतिः प्रशंसिता। प्रबन्धनस्य मते काइज़ेन केवलं सुझावप्रणाली नास्ति, अपितु संस्थायाम् उत्कृष्टतायाः, गुणवत्तायाः, सुरक्षायाः तथा उत्पादकतायाः अभिवृद्धिं साधयितुम् एकं प्रभावकरं माध्यमम् अस्ति।
---------------
Hindusthan Samachar / Dheeraj Maithani