नव दिल्ली, 24 जुलाईमासः (हि.स.)।

आम् आदमी पार्टी इत्यस्य दलस्य राष्ट्रियसंयोजकः देहलीनगरस्य पूर्वमुख्यमन्त्री च अरविन्दकेजरीवालः सामाजिककार्यकर्तुः सोनमवाङ्चुकस्य अनशनसमापननिर्णयस्य स्वागतं कृतवान्। तेन उक्तं यत् सोनमवाङ्चुकस्य जीवनं स्वास्थ्यं च राष्ट्राय अत्यन्तं महत्त्वपूर्णम् अस्ति।

अरविन्दकेजरीवालः शुक्रवासरे सामाजिकमाध्यमे ‘एक्स’ इत्यत्र अलिखत् यत् “सोनमवाङ्चुकेन स्वीयम् अनशनं समाप्तुं कृतस्य निर्णयस्य अहं स्वागतं करोमि। तस्य जीवनं स्वास्थ्यं च राष्ट्राय अत्यन्तं महत्त्वपूर्णम् अस्ति।”

तेन उक्तं यत् ‘कॉकरोच जनता पार्टी’ (सी.जे.पी.) इत्यनेन अद्य राष्ट्रव्यापिप्रदर्शनस्य आह्वानं कृतम्। अतः सर्वेभ्यः तस्मिन् प्रदर्शने सहभागितायै अपीलं कृतवान्।

उल्लेखनीयं यत् सोनमवाङ्चुकः विगतषड्विंशतिदिनपर्यन्तम् अनिश्चितकालिकम् अनशनम् आचरति स्म। तस्य आन्दोलनं राष्ट्रस्तरीयपरीक्षाप्रश्नपत्रप्रसरणप्रकरणे उत्तरदायित्वनिर्धारणार्थं, प्रभावितविद्यार्थिभ्यः न्यायप्रदानार्थं तथा शान्तिपूर्णप्रदर्शनं कुर्वतां विद्यार्थिनां विरुद्धं कार्यवाही न क्रियताम् इति मागधीनां समर्थनार्थं प्रवर्तमानस्य व्यापकविद्यार्थ्यन्दोलनस्य समर्थनरूपेण आसीत्।

---------------

Hindusthan Samachar / Dheeraj Maithani