ग्वालियरम्, 24 जुलाईमासः (हि.स.)।केन्द्रीयसञ्चारपूर्वोत्तरक्षेत्रविकासमन्त्री ज्योतिरादित्य सिन्धिया प्रश्नपत्रप्रस्रवणस्य विरोधे प्रवर्तमानस्य छात्रान्दोलनस्य विषये स्वप्रतिक्रियां व्यक्तवान्। सः उक्तवान् यत् छात्राणां भविष्येन सह क्रीडां कुर्वन्तः केनापि मूल्येन न क्षम्यन्ते।

केन्द्रीयमन्त्री सिन्धिया शुक्रवासरे ग्वालियरे माध्यमप्रतिनिधिभिः सह संवादं कुर्वन् उक्तवान् यत् विद्यार्थिनः राष्ट्रस्य भविष्यं सन्ति तथा तेषां परिश्रमेण सह किमपि अन्यायं न स्वीकरिष्यते। सः उक्तवान् यत् यदा एव अनियमिततानां सूचना प्राप्ता तदा प्रधानमन्त्री नरेन्द्र मोदी निर्देशानुसारं तत्क्षणमेव कार्यवाही प्रारब्धा। सर्वकारः अस्मिन् सम्पूर्णप्रकरणे दोषिणां विरुद्धं कठोरपदानि गृह्णाति।

सः उक्तवान् यत् विद्यार्थिनः केवलं स्वार्थाय न अपितु समाजस्य क्षेत्रस्य राष्ट्रस्य च यशः वर्धयितुं परिश्रमं कुर्वन्ति। प्रधानमन्त्री मोदी सन्देशः स्पष्टः अस्ति यत् विद्यार्थिनां भविष्येन सह क्रीडां कुर्वत्सु कठोरतमा कार्यवाही भविष्यति।

सिन्धिया अवदत् यत् अस्मिन् प्रकरणे मन्त्रिमण्डले एकं विधेयकं प्रस्तूयते यस्य अन्तर्गतं शीघ्रन्यायालयस्य गठनं भविष्यति। अनेन प्रश्नपत्रप्रस्रवणादिप्रकरणानां शीघ्रं श्रवणं भविष्यति तथा दोषिणः शीघ्रं दण्डं प्राप्स्यन्ति। सः उक्तवान् यत् छात्रहितरक्षणं सर्वकारस्य प्राथमिकता अस्ति तथा परीक्षा प्रणाली पारदर्शितां स्थिरां कर्तुं सर्वाणि आवश्यकपदानि गृहीष्यन्ते।

केन्द्रीयमन्त्री सिन्धिया शुक्रवासरे मध्यप्रदेशस्य निर्वाचनप्रवासे वर्तते। सः दतियाविधानसभायाः उपनिर्वाचने भारतीयजनतापक्षस्य प्रत्याशी आशुतोष तिवारी समर्थनार्थं जनसभाः सम्बोधयिष्यति। दतियां प्रति प्रस्थानात् पूर्वं सः ग्वालियरे माध्यमप्रतिनिधिभिः सह संवादं कृत्वा दतियाविधानसभायाः उपनिर्वाचने भारतीयजनतापक्षस्य विजयस्य विश्वासं व्यक्तवान्। सः उक्तवान् यत् एतत् निर्वाचनं विकासस्य निर्वाचनम् अस्ति तथा केन्द्रप्रदेशयोः द्विचक्रसर्वकारः दतियायाः सर्वाङ्गीणविकासाय पूर्णतया प्रतिबद्धः अस्ति। भारतीयजनतापक्षस्य प्रत्याशी आशुतोष तिवारी प्रचण्डबहुमतेन निर्वाचनं जेष्यति।

सिन्धिया दतियां प्राप्य पीताम्बरापीठे पूजनं कृतवान् तथा वनखण्डेश्वरमहादेवमन्दिरे जलाभिषेकम् अकरोत्। ततः परं केन्द्रीयमन्त्री सिन्धिया ग्वालियरात् स्थलमार्गेण दतियां प्राप्तवान्। प्रवासस्य प्रारम्भे सः पीताम्बरापीठे मातुः बगलामुख्याः दर्शनं पूजार्चनां च कृतवान्। तत्र सः प्रदेशस्य सुखसमृद्धेः जनकल्याणस्य च कामनाम् अकरोत्। पीताम्बरापीठात् परं केन्द्रीयमन्त्री वनखण्डेश्वरमहादेवमन्दिरं गतवान् यत्र भगवान् शिवस्य जलाभिषेकं विशेषपूजार्चनां च कृत्वा आशीर्वादं प्राप्तवान्।

निर्धारितकार्यक्रमानुसारं केन्द्रीयमन्त्री ततः परं बडौनीं प्रति प्रस्थास्यति यत्र सः भारतीयजनतापक्षस्य प्रत्याशिनः समर्थनार्थम् आयोजितां जनसभां सम्बोधयिष्यति। सिन्धियायाः प्रवासस्य सन्दर्भे भारतीयजनतापक्षस्य कार्यकर्तृषु महान् उत्साहः आसीत्। विविधेषु स्थानेषु पक्षकार्यकर्तारः तस्य स्वागतं कृतवन्तः।

---------------

Hindusthan Samachar / Dheeraj Maithani