कोल्ड चेन प्रणाली विकसिष्यति, फूड सेफ्टी-परिशीलनोत्तरं वितरिष्यते भोजनम्

कोलकाता, 24 जुलाईमासः (हि. स.)।पश्चिमबङ्गसर्वकारेण दरिद्रजनानां कृते सञ्चाल्यमानायाः मां आहार योजनायाः अधिकसुविधायुक्तीकरणार्थं खाद्यान्नापव्ययनिवारणार्थं च द्वे नूतने उपक्रमे घोषिते। नगरविकासनगरपालिकाकार्यमन्त्री अग्निमित्रा पाल शुक्रवासरे विधानसभायां विभागीयविनियोगविषयकचर्चायाम् उक्तवती यत् शीघ्रमेव मां आहार केन्द्रेषु लाभार्थिनः भोजनालयवत् उपविश्य भोजनं कर्तुं सुविधां प्राप्स्यन्ति। एतस्य कृते जनेभ्यः किमपि अतिरिक्तशुल्कं न ग्राह्यते।

मन्त्री अवदत् यत् राज्ये अधुना ३९० मां आहार केन्द्राणि सञ्चालितानि सन्ति यत्र रियायतीमूल्येन भोजनम् उपलभ्यते। सा उक्तवती यत् सर्वकारेण एतेषां केन्द्राणां सुविधासु निरन्तरं सुधारः कृतः अस्ति तथा अधुना पञ्चरूप्यकात् पञ्चदशरूप्यकपर्यन्तं मूल्येन मत्स्यभातसहितम् अन्यानि भोजनानि अपि प्रदीयन्ते।

सा सदनम् अवगतवती यत् राज्यस्य विविधसर्वकारीयचिकित्सालयानां समीपे प्रायः १०० मां आहार केन्द्राणि सञ्चालितानि सन्ति यत्र प्रतिदिनं प्रायः पञ्चाशीतिसहस्रं जनाः भोजनं कुर्वन्ति। एतेषु रोगिणां परिवारजनाः मार्गगामिनः अन्ये आवश्यकतायुक्तजनाश्च अन्तर्भवन्ति। नूतनव्यवस्थायाः प्रवर्तनानन्तरं लाभार्थिनः मार्गपार्श्वे स्थित्वा अथवा भोजनं गृहीत्वा गन्तुं न अपेक्ष्यन्ते अपितु सुखेन उपविश्य भोजनं कर्तुं सुविधां प्राप्स्यन्ति।

भोजनालयेषु सामाजिकसमारोहेषु च अवशिष्टं भोजनं आवश्यकतायुक्तजनान् प्रति प्राप्स्यति।

मन्त्री खाद्यान्नापव्ययनिवारणार्थं सर्वकारस्य नूतनयोजनायाः अपि विवरणम् अदात्। सा उक्तवती यत् भोजनालयेषु उपाहारगृहेषु विवाहादिषु विविधसामाजिककार्यक्रमेषु च अवशिष्टम् उपयोगयोग्यं भोजनम् अधुना न परित्यज्यते। नगरनिकायाः तत् भोजनम् एकत्रीकृत्य शीतशृङ्खलाव्यवस्थायाः अन्तर्गतं सुरक्षितं स्थापयिष्यन्ति।

सा अवदत् यत् परदिने खाद्यसुरक्षाधिकारीणः भोजनस्य गुणवत्तां परीक्षिष्यन्ति। यदि भोजनं निर्धारितमानदण्डान् पूरयिष्यति तर्हि तत् मन्दिराणां समीपे तथा अन्येषु आवश्यकतायुक्तजनेषु वितरितं भविष्यति।

अग्निमित्रा पाल उक्तवती यत् अस्याः योजनायाः प्रभावी सञ्चालनार्थं पृथक् शीतशृङ्खलाव्यवस्था विकसितं भविष्यति यथा भोजनं सुरक्षितं तिष्ठेत् तस्य गुणवत्तापि अविच्छिन्ना भवेत्। सा उक्तवती यत् सर्वकारस्य उद्देश्यं खाद्यान्नापव्ययनिवारणेन सह आवश्यकतायुक्तजनेभ्यः सुरक्षितं पौष्टिकं च भोजनं प्रापयितुम् अस्ति। उभे योजने क्रमशः सम्पूर्णे राज्ये प्रवर्तिष्येते।

Hindusthan Samachar / Dheeraj Maithani