Enter your Email Address to subscribe to our newsletters
नवदेहली, जुलाईमासः २४ (हि.स.)। रणबीर-कपूरः तथा यशः अभिनीतस्य बहुप्रतीक्षितस्य ‘रामायण’-चलचित्रस्य प्रचारदृश्यस्य प्रतीक्षां कुर्वन्तः प्रेमिणः अद्यापि किञ्चित्कालं प्रतीक्षां करिष्यन्ति। जुलाई २४ दिनाङ्के प्रकाशनीयं प्रचारदृश्यम् अन्तिमक्षणे स्थगितम्।
चलचित्रस्य निर्माता नमित-मल्होत्रा अवदत् यत् चलचित्रस्य अन्ताराष्ट्रिय-वितरणार्थं सोनी-पिक्चर्स-एण्टरटेन्मेण्ट्-संस्थया सह महती सहभागिता सम्पन्ना अस्ति। अतः अधुना प्रचारदृश्यं विश्वस्तरे एकस्मिन्नेव समये प्रकाशितं भविष्यति।
नमित-मल्होत्रा सामाजिकमाध्यमेन सूचनां दत्त्वा अवदत् यत् एषा सहभागिता भारतीय-चलचित्र-जगतः कृते ऐतिहासिकं पदम् अस्ति। तस्य मते ‘रामायण’ केवलं भारते एव न, अपितु विश्वव्यापि अद्यावधि सर्वात् विशालासु चलचित्र-प्रदर्शनेषु अन्यतमं भविष्यति।
सः अवदत् यत् सोनी-पिक्चर्स इव प्रमुखया हॉलीवुड-चलचित्र-संस्थया सह मिलित्वा एतत् चलचित्रं तादृश्यैव भव्यतया अन्ताराष्ट्रियस्तरे प्रदर्क्ष्यते, यथा प्रमुखानि हॉलीवुड-चलचित्राणि प्रदर्क्ष्यन्ते।
नितेश-तिवारी-निर्देशने निर्मीयमाणस्य अस्य चलचित्रस्य प्रचारदृश्यं पूर्वं सैन-डिएगो कॉमिक-कॉन इत्यस्मिन् आयोजने चलचित्र-दलस्य उपस्थितेः अनन्तरं २४ जुलाईमासे प्रभाते प्रकाशितुं निर्धारितः आसीत्। किन्तु अधुना तस्य नूतना प्रकाशन-तिथिः अनन्तरं घोषयिष्यते।
नमित-मल्होत्रा एतत् भारतीय-चलचित्रस्य शताधिक-वर्षीय-इतिहासस्य गौरवक्षणम् इति वर्णयन् अवदत् यत् एतत् चलचित्रं भारतीय-संस्कृतेः पौराणिक-परम्परायाश्च वैश्विक-दर्शकेभ्यः परिचयकरणे महत्त्वपूर्णां भूमिकां निर्वहिष्यति।
हिन्दुस्थान समाचार / Divya Ranjan