कलाकाराणां, शिक्षाविदां, स्वतंत्रता संग्राम सेनानी परिवारस्य एवं सामाजिक कार्यकर्तॄणां च सम्मानः विहितः

रायगढ़म् / रायपुरम् 24 जुलाईमासः (हि.स.)।

प्रधानमन्त्रिणः नरेन्द्रमोदिनः सेवा, सुशासनस्य जनकल्याणस्य च द्वादशवर्षपूर्त्युपलक्ष्ये आयोजितस्य विशेषजनसम्पर्काभियानस्य अन्तर्गतं वित्तमन्त्री ओपी चौधरी रायगढनगरस्य विविधेषु क्षेत्रेषु प्रबुद्धैः सम्मानितैश्च नागरिकैः तेषां निवासेषु गत्वा आत्मीयभेटीं कृत्वा संवादम् अकरोत्।

अस्मिन् अवसरे वित्तमन्त्री चौधरी चाँदनीचौकस्थं सङ्गीतनृत्यगुरुं शरदवैष्णवं समभ्येत्य तस्य कलासंस्कृतिक्षेत्रे योगदानस्य प्रशंसाम् अकरोत्। तेन फ्रेण्ड्सकालोनी कोतरारोडबायपासस्थे स्वतन्त्रतासङ्ग्रामसेनानिपरिवारस्य सदस्यं डॉ. राजू अग्रवालं समभ्येत्य तस्य सम्मानः कृतः। तथा च सुभाषनगरे कोतरारोडस्थे भारतीयमजदूरसङ्घस्य वरिष्ठनेता श्री एल.पी. कटकवारं समभ्येत्य विविधेषु सामाजिकविषयेषु चर्चा कृता।

एतस्मिन्नेव क्रमे तेन पूर्वप्राचार्यं सरस्वतीशिशुमन्दिरेण सम्बद्धं वरिष्ठशिक्षाविदं बाबूलालचन्द्रम् अपि समभ्येत्य संवादः कृतः। वित्तमन्त्री प्रतिष्ठितशिक्षाविदं चित्रकलाविशारदं पीएस खोडियारं सेवानिवृत्तप्राध्यापकं प्रतापखुरियारं तथा कल्याणीमुखर्जीम् अपि तेषां निवासेषु गत्वा आत्मीयसंवादम् अकरोत्।

सर्वेषु स्थलेषु वित्तमन्त्री चौधरी शालां श्रीफलं च समर्प्य सम्मानम् अकरोत् तथा रामचरितमानसस्य प्रतिम् अपि उपायनरूपेण प्रदत्तवान्। तेन उक्तं यत् समाजस्य वरिष्ठानां प्रबुद्धनागरिकाणां च अनुभवः ज्ञानं मार्गदर्शनं च राष्ट्रनिर्माणस्य अमूल्या सम्पदस्ति। तेषां विचाराः जीवनानुभवाश्च नवीनपीढ्यै प्रेरणास्रोतांसि सन्ति।

तेन उक्तं यत् प्रधानमन्त्री नरेन्द्रमोदिनः नेतृत्वे विगतेषु द्वादशवर्षेषु देशेन सेवा, सुशासन, विकासः जनकल्याणं च इत्येषु क्षेत्रेषु ऐतिहासिकलब्धयः प्राप्ताः। विशेषजनसम्पर्काभियानेन समाजस्य विविधवर्गेषु गत्वा संवादः स्थाप्यते तथा केन्द्रसर्वकारस्य जनहितकारीणां योजनानां उपलब्धीनां च सूचना साझाक्रियते।

अस्मिन् अवसरे सर्वे सम्मानितनागरिकाः वित्तमन्त्रिणः ओपी चौधरिणः प्रति कृतज्ञतां व्यक्तवन्तः तथा प्रधानमन्त्री नरेन्द्रमोदिनः नेतृत्वे देशस्य विकासाय जनकल्याणाय च क्रियमाणानां कार्याणां प्रशंसाम् अकुर्वन्।

---------------

Hindusthan Samachar / Dheeraj Maithani