Enter your Email Address to subscribe to our newsletters
लखनऊ, 24 जुलाईमासः (हि.स.)।भातखण्डे संस्कृतिविश्वविद्यालयस्य लखनऊस्थितस्य कुलपतिः प्रो. माण्डवी सिंह इत्यस्याः कार्यकालः षण्मासपर्यन्तं वर्धितः अस्ति।
विश्वविद्यालयस्य कुलाधिपतिना प्रदेशस्य राज्यपालया आनन्दीबेन पटेल महोदयया प्रदत्तनिर्देशानुसारम् एतद्विषयकः आदेशः निर्गतः।
निर्गते आदेशे उक्तम् अस्ति यत् अधुना नियमितकुलपतेः नियुक्तौ किञ्चित्कालविलम्बस्य सम्भावना वर्तते। अतः कुलाधिपतिः आनन्दीबेन पटेल भातखण्डे संस्कृतिविश्वविद्यालयाधिनियमस्य २०२२ तमवर्षस्य धारा ११ उपधारा १० अन्तर्गतप्रदत्तशक्तीनाम् उपयोगं कृत्वा प्रो. माण्डवी सिंह भातखण्डे संस्कृतिविश्वविद्यालयस्य लखनऊस्थितस्य कुलपतिम् पुनः नूतनकुलपतेः नियुक्तिपर्यन्तम् षण्मासपर्यन्तम् अथवा अग्रिमादेशपर्यन्तम् यत् पूर्वं भवेत् तावत्कालं भातखण्डे संस्कृतिविश्वविद्यालयस्य कुलपतिपदस्य दायित्वनिर्वहनार्थं नियुक्तवती। अयम् आदेशः जुलैमासस्य २३ दिनाङ्के निर्गतः।
Hindusthan Samachar / Dheeraj Maithani