लखनऊनगरम्, २४ जुलाईमासः (हि.स.)। उत्तरप्रदेशस्य उपमुख्यमन्त्री केशवप्रसाद-मौर्यः उक्तवान् यत् प्रधानमन्त्रीणः निर्णयानन्तरं सोनम-वाङ्चुक-महोदयेन स्वस्य अनिश्चितकालीनम् अनशनं समाप्तीकृतम्, एतत् स्वागतार्हं पदम् अस्ति। एषः संवादस्य सकारात्मक-समाधानस्य च दिशि प्रशंसनीयः लोकतान्त्रिकः पदक्षेपः अस्ति। सः सर्वान् छात्रान् आह्वयति यत् ते प्रधानमन्त्रीणः निर्णयस्य विषये विश्वासं निधाय स्वस्य शान्तिपूर्णम् आन्दोलनं समापयेयुः। ते स्वस्य अपरिमितां ऊर्जां राष्ट्रनिर्माणे, शिक्षायां तथा स्वस्य उज्ज्वल-भविष्यस्य निर्माणे नियोजयेयुः।

केशवप्रसाद-मौर्यः सामाजिक-माध्यमेषु प्रकाशिते सन्देशे अलिखत् यत् प्रधानमन्त्री प्रश्नपत्र-प्रस्रवणस्य गम्भीरतां सम्यक् अवगम्य कठोर-विधेः तथा शीघ्र-न्यायालयानां व्यवस्थायाः निर्णयं कृत्वा कोटिशः यूनां भविष्यस्य रक्षणार्थम् ऐतिहासिकं पदम् उदगृह्णात्। अस्माकं पूर्णः विश्वासः अस्ति यत् छात्रहिते अस्य निर्णयस्य सकारात्मकाः परिणामाः प्राप्स्यन्ते। भारतीय-जनता-पक्षः तथा प्रधानमन्त्री नरेन्द्रमोदी सदा देशस्य युवभ्यः सह स्थितवन्तौ। तेषां स्वप्नानां संरक्षणाय मोदी-सर्वकारः पूर्णप्रतिबद्धतया कार्यं निरन्तरं करिष्यति।

उपमुख्यमन्त्री उक्तवान् यत् वर्तमान-परिस्थितिषु एतत् स्पष्टं जातम् यत् काङ्ग्रेस-दलस्य राहुल-गान्धी, प्रियङ्का-गान्धी-वाड्रा, समाजवादी-पक्षस्य अखिलेश-यादवः, आम-आदमी-पक्षस्य अरविन्द-केजरीवालः तथा अन्ये विपक्षीया: छात्राणां विषयम् आधृत्य केवलं सत्ताप्राप्त्यर्थं राजनीतिं कुर्वन्ति। छात्राणाम् उज्ज्वल-भविष्यस्य विषये तेषां काचिद् वास्तविकी इच्छा नास्ति। तैः ज्ञातव्यं यत् भारतस्य युवा जागरूकः अस्ति। सः राष्ट्रहिताय स्वस्य उज्ज्वल-भविष्ये तथा प्रधानमन्त्रिण: नरेन्द्रमोदिनः नेतृत्वे विश्वासं निधाय भारतीय-जनता-पक्षस्य सह दृढतया तिष्ठति। एषः एव विश्वासः विकसित-भारतस्य सुदृढस्य आधारस्य निर्माणे महत्त्वपूर्णः अस्ति।

Hindusthan Samachar / Divya Ranjan