हरिद्वारनगरम्, २४ जुलाईमासः (हि.स.)। अखिलभारतीय-अखाडा-परिषदः राष्ट्रीयाध्यक्षः श्रीमहन्त-रविन्द्रपुरी-महाराजः तथा राष्ट्रियमहामन्त्रिण: श्रीमहन्त-स्वामी-हरिगिरि-महाराजस्य उपस्थितौ शुक्रवासरे आनन्दभैरव-मन्दिरे नवनियुक्तायाः महामण्डलेश्वर-यति-मातुः प्रत्यङ्गिरा-गिरेः सम्मान-आशीर्वाद-समारोहः आयोजितः।

कार्यक्रमे श्रीमहन्त-स्वामी-हरिगिरि-महाराजः अवदत् यत् महामण्डलेश्वरः यति-नरसिंहानन्द-गिरिः सनातनधर्मस्य रक्षणाय कार्यं करोति, तथा परिषद् तस्य प्रयत्नान् प्रति स्वस्य सहयोगं समर्थनञ्च आश्वासितवती। तेन उक्तं यत् अस्यैव क्रमस्य अन्तर्गतं तस्य शिष्या यति-माता प्रत्यङ्गिरा-गिरिः महामण्डलेश्वर-पदे नियुक्ता, तस्यै अपि सर्वथा सहयोगः प्रदातुं संकल्पः कृतः।

राष्ट्रीयाध्यक्षः श्रीमहन्त-रविन्द्रपुरी-महाराजः अवदत् यत् वर्तमानकाले सनातनधर्मस्य सन्तसमाजस्य च समक्षे विविधाः समस्या: सन्ति। तेषां मते ये एतासां समस्यानां सम्मुखिनं कर्तुं प्रयतन्ते, ते संरक्षणस्य, सहयोगस्य समर्थनस्य च पात्राणि भवन्ति। सः उक्तवान् यत् परिषद् पूर्ववत् अग्रेऽपि यति-नरसिंहानन्द-गिरिं तथा यति-मातुः प्रत्यङ्गिरा-गिरिं प्रति स्वसहयोगं अविच्छिन्नं स्थापयिष्यति।

स्वसम्बोधने महामण्डलेश्वर-यति-माता प्रत्यङ्गिरा-गिरिः अवदत् यत् सा स्वगुरोः यति-नरसिंहानन्द-गिरेः विचारेषु उद्देश्येषु च पूर्णतया समर्पिता अस्ति तथा आजीवनं तेन प्रदर्शितमार्गे कार्यं कर्तुं प्रयतिष्यते। कार्यक्रमस्य अन्ते महामण्डलेश्वरः यति-नरसिंहानन्द-गिरिः महाराजः तथा महामण्डलेश्वर-यति-माता प्रत्यङ्गिरा-गिरिः उपस्थितेभ्यः सन्तेभ्यः कृतज्ञतां प्रकट्य सर्वेभ्यः धन्यवादं प्रदत्तवन्तौ।

Hindusthan Samachar / Divya Ranjan