सीवानम्, 25 जुलाई मासः(हि.स.)।

नीट् परीक्षायाः कथितप्रश्नपत्रप्रसारणप्रकरणम्, केन्द्रीयशिक्षामन्त्री धर्मेन्द्रप्रधानस्य त्यागपत्रस्य मागं तथा नवीदिल्लीस्थे जन्तरमन्तरे पटने च प्रदर्शनरतानां छात्राणां प्रति जातस्य लाठीप्रहारस्य विरोधं च अधिकृत्य शनिवासरे आईसा तथा आरवाइए इत्येतयोः आह्वाने आयोजितः बिहारबन्दः सीवानजिले सर्वथा निष्प्रभावः अभवत्। प्रशासनस्य कठोरतया पूर्वमेव कृतया व्यापकसुरक्षाव्यवस्थया च जनजीवनं सामान्यरूपेण प्रवृत्तम्।

शुक्रवासरसायं जिलाधिकारी विवेकरञ्जनमैत्रेयः पुलिसाधीक्षकः पूरणकुमारझा च सशस्त्रबलैः सह नगरे ध्वजमार्चं कृत्वा विधिव्यवस्थायाः पालनस्य सन्देशं प्रदत्तवन्तौ। तस्य प्रभावः शनिवासरे स्पष्टतया दृष्टिगोचरः अभवत्। शासकीयकार्यालयानि, निजीसंस्थानानि, आपणाश्च सामान्यदिनवत् उद्घाटितानि आसन् तथा जनानाम् आवागमनम् अविरतं प्रवृत्तम्।

शनिवासरे प्रातः प्रायः नववादने आईसा तथा आरवाइए इत्येतयोः नेतारः कार्यकर्तारश्च प्रदर्शनं कुर्वन्तः जेपीचतुष्पथम् आगत्य मार्गम् अवरुध्य घोषणाः कर्तुम् आरब्धवन्तः। सूचनां प्राप्य पुलिसाधीक्षकः पूरणकुमारझा घटनास्थलं प्राप्तवान् तथा प्रदर्शनकारिभ्यः मार्गं रिक्तीकर्तुं सामान्यजनानाम् आवागमने बाधां मा कुर्वन्तु इति प्रार्थितवान्। अस्मिन् समये प्रदर्शनकारिणां पुलिसाधिकारिणां च मध्ये तीव्रा वाग्वितण्डा अपि अभवत्। किञ्चित्कालं यावत् वातावरणम् उष्णम् आसीत्, किन्तु पुलिसस्य दृढस्थितेः अनन्तरं प्रदर्शनकारिणः मार्गात् अपसृत्य पार्श्वे स्थित्वा स्वप्रदर्शनं निरन्तरं कृतवन्तः, येन पुनः यातायातः सामान्यः अभवत्।

अनन्तरं बहुसंख्यकाः छात्राः जेपीचतुष्पथे समागत्य शासनविरुद्धं घोषणाः कृतवन्तः तथा नीट् प्रश्नपत्रप्रसारणप्रकरणस्य निष्पक्षानुसन्धानस्य, केन्द्रीयशिक्षामन्त्रिणः त्यागपत्रस्य तथा छात्रान्दोलने कृते कार्यवाह्याः विरोधे प्रदर्शनम् अकुर्वन्।

यद्यपि बन्दस्य आह्वानं कृतम् आसीत्, तथापि नगरे कुत्रापि व्यापकः प्रभावः न दृष्टः। आपणाः उद्घाटिताः आसन्, वाहनानि सामान्यरूपेण सञ्चरन्ति स्म, सामान्यजनानां दिनचर्या च यथावत् आसीत्। प्रशासनं सम्पूर्णदिनं सावधानावस्थायाम् आसीत् तथा कस्यापि अप्रियपरिस्थितेः निवारणाय बहुसंख्यकः पुलिसबलः नियुक्तः आसीत्।

Hindusthan Samachar / Dheeraj Maithani