Enter your Email Address to subscribe to our newsletters
-विमानस्थानके भाजपाप्रदेशाध्यक्षः अकरोत्स्वागतम्
पटना, 25 जुलाईमासः (हि.स.)। बांकीपुरविधानसभायाः उपनिर्वाचनम् अधिकृत्य राजनैतिकगतिविधयः तीव्रतां गताः। ३० जुलै तमे दिने भविष्यति मतदानम्। तस्मात् पूर्वं सर्वे राजनैतिकदलाः निर्वाचनप्रचारे स्वसर्वशक्तिं नियोजयन्ति। भारतीयजनतापक्षेण अपि निर्वाचनप्रचारस्य अधिकप्रभावार्थं स्वीयाः वरिष्ठनेतारः प्रचारकार्ये नियुक्ताः। मुख्यमन्त्री सम्राटचौधरी तथा भारतीयजनतापक्षस्य राष्ट्रियमन्त्री ऋतुराजसिन्हः पूर्वमेव निर्वाचनप्रचारे सक्रियौ स्तः। अस्मिन्नेव क्रमे शनिवासरे भारतीयजनतापक्षस्य राष्ट्रियाध्यक्षः नितिननवीनः अपि पटनानगरम् आगतः।
पटनाविमानस्थले भारतीयजनतापक्षस्य प्रदेशाध्यक्षः संजयसरावगी नितिननवीनस्य स्वागतं कृतवान्। ततः परं सः पक्षस्य वरिष्ठनेतृभिः सह उपविश्य निर्वाचनप्रचारस्य सिद्धतायाः रणनीतेः च समीक्षा कृतवान्। अस्याम् उपवेशने मतदानकेन्द्रव्यवस्थापनम् मतदातृसम्पर्काभियानम् प्रचारस्य गतिः मतदानपर्यन्ता निर्वाचनरणनीतिः च विस्तरेण चर्चिता।
मुख्यमन्त्री सम्राटचौधरी शनिवासरे सायं षड्वादने बांकीपुरविधानसभाक्षेत्रस्य मन्दिरीनाला गोलघरमण्डले आयोजितां निर्वाचनसभां सम्बोधयिष्यति। सभायां सः राज्यसर्वकारस्य उपलब्धीः विकासयोजनाः राष्ट्रियजनतान्त्रिकगठबन्धनसर्वकारस्य नीतयः च जनानां पुरतः प्रस्तोष्यति। सहैव मतदातृभ्यः राष्ट्रियजनतान्त्रिकगठबन्धनस्य प्रत्याशिनः पक्षे मतदानं कर्तुम् अपि प्रार्थयिष्यति।
भारतीयजनतापक्षस्य राष्ट्रियमन्त्री ऋतुराजसिन्हः अपि शनिवासरे बांकीपुरविधानसभाक्षेत्रे अनेकासु जनसम्पर्कसंवादकार्यक्रमेषु सहभागं करिष्यति। सः समाजस्य विविधवर्गीयैः जनैः मिलित्वा भारतीयजनतापक्षस्य राष्ट्रियजनतान्त्रिकगठबन्धनसर्वकारस्य च नीतयः विकासकार्याणि च परिचाययिष्यति।
तस्य कार्यक्रमेषु अन्नपूर्णाभवने सार्वजनिकसभा रोटरीभवने प्रबुद्धजनैः सह संवादः गौतमनगरे स्थिते पल्सपैलेस इत्यत्र महिलासंवादकार्यक्रमः कच्चीतालाबक्षेत्रे जनसभा मीठापुरे समाजस्य प्रबुद्धजनैः सह उपवेशनं च समाविष्टानि सन्ति।
भारतीयजनतापक्षस्य नेतृत्वस्य मतम् अस्ति यत् वरिष्ठनेतॄणां सक्रियतया निर्वाचनप्रचारः अधिकवेगेन प्रवर्तिष्यते तथा पक्षकार्यकर्तृषु उत्साहस्य सञ्चारः भविष्यति। मतदानदिनाङ्कस्य समीपागमनेन सह बांकीपुरविधानसभायाः उपनिर्वाचनस्य निर्वाचनप्रचारः अधुना निर्णायकचरणे प्रविष्टः अस्ति।
-----------------
Hindusthan Samachar / Dheeraj Maithani