गुवाहाटी, 25 जुलाईमासः (हि.स.)। केन्द्रसर्वकारेण उपरि असमराज्ये समुत्पन्नस्य भीषणजलप्लावनस्य सर्वोच्चप्राथमिकता प्रदत्ता। राहतकार्याणि उद्धारकार्याणि पुनर्वासकार्याणि दीर्घकालिकपुनर्निर्माणकार्याणि च सम्पादयितुं सर्वथा साहाय्यं प्रदास्यते इति आश्वासनं प्रदत्तम्। मुख्यमन्त्री डा हिमन्तबिस्वसरमा शनिवासरे प्रधानमन्त्रिणा नरेन्द्रमोदिना सह दूरभाषसम्भाषणानन्तरं एतां सूचनां प्रदत्तवान्।

मुख्यमन्त्री सामाजिकमाध्यमेन अवदत् यत् प्रधानमन्त्री नरेन्द्रमोदी स्वयमेव दूरभाषेन राज्यस्य जलप्लावनस्थितेः विस्तृतां सूचनां ज्ञातवान्। अस्मिन् समये प्रधानमन्त्री जनधनहानिमधिकृत्य गाढं शोकं प्रकटितवान् तथा प्रभावितजनानां प्रति संवेदनां व्यक्तवान्। तेन आश्वासनं दत्तं यत् केन्द्रसर्वकारः अस्याः प्राकृतिकविपदः निवारणार्थम् असमसर्वकारस्य सह सर्वथा स्थितः अस्ति तथा राहतकार्येषु उद्धारकार्येषु पुनर्वासकार्येषु पुनर्निर्माणकार्येषु च सर्वप्रकारेण साहाय्यं प्रदास्यते।

मुख्यमन्त्री सरमा प्रधानमन्त्रिणे राज्यसर्वकारेण प्रवर्तमानानां राहतकार्याणां उद्धारकार्याणां च विवरणं निवेदयन् अवदत् यत् प्रशासनं प्रभावितपरिवारान् प्रति साहाय्यं प्रापयितुं निरन्तरं प्रयतते। तेन उक्तं यत् प्रधानमन्त्री बाढया जातहानिम् राहतकार्याणां प्रगतिम् प्रभावितप्रदेशेषु विद्यमानाः समस्याः च विस्तरेण अपृच्छत्।

अस्मिन्नेव काले केन्द्रसर्वकारस्य एका अन्तरमन्त्रालयीयदलम् अद्य असमराज्यम् आगच्छति। एतद्दलं बाढाप्रभावितप्रदेशानां स्थलीयनिरीक्षणं कृत्वा हानिमूल्यांकनं करिष्यति। तस्य प्रतिवेदनस्य आधारेण राहतकार्याणां पुनर्वासकार्याणां पुनर्निर्माणकार्याणां च कृते अतिरिक्तकेन्द्रीयसाहाय्यस्य विषये निर्णयः भविष्यति। मुख्यमन्त्री अवदत् यत् दलस्य मूल्यांकनं तात्कालिकरक्षणचरणानन्तरं प्रदेयानां व्यापकसाहाय्यानां निर्धारणे महत्त्वपूर्णां भूमिकां निर्वहिष्यति।

असमराज्यविपद्प्रबन्धनप्राधिकरणस्य शुक्रवासररात्रौ प्रकाशितबाढाविज्ञप्त्यानुसारं राज्ये अधुनापि ८५६ ग्रामाः जलमग्नाः सन्ति। गतचतुर्विंशतिघण्टासु बाढासम्बद्धासु घटनासु १४ जनाः मृताः। व्यापकानि रक्षणकार्याणि उद्धारकार्याणि च प्रवर्तमानानि सन्ति तथापि अनेकप्रदेशेषु राहतसामग्री प्रापयितुं अद्यापि कठिनता वर्तते।

मुख्यमन्त्री सरमा शुक्रवासरे आयोजितायां पत्रकारसम्मेलनसभायाम् अवदत् यत् अधुनापि प्रायः ८० सहस्रजनाः राहतसामग्रीप्राप्तेः प्रतीक्षां कुर्वन्ति। एतेषु सर्वाधिकप्रभावितस्य शिवसागरजनपदस्य नजिराक्षेत्रस्य प्रायः ५० सहस्रजनाः तथा जनपदस्य अन्यप्रदेशेषु प्रायः ३० सहस्रजनाः समाविष्टाः सन्ति। तेन उक्तं यत् अनेकस्थलेषु बाढाजलं न्यूनीभवितुम् आरब्धम् अस्ति किन्तु बहुलमात्रया सञ्चितस्य पङ्कस्य गादस्य च कारणात् अनेकग्रामाणां सम्पर्कः राहतजालकेन सह अधुनापि पूर्णतया पुनः स्थापितः न अभवत्।------------

Hindusthan Samachar / Dheeraj Maithani