पाली, 25 जुलाईमासः (हि.स.)।

कन्यारक्षणं कन्याशिक्षणं च इति सन्देशं प्रसारयन्ती एका अनन्या प्रेरणादायिनी प्रारंभिका पालीनगरस्य बाङ्गडचिकित्सालये दृष्टा। चिकित्सालयपरिसरे गुब्बारैः नानावर्णपुष्पैश्च अलङ्कृता एका यानवाहिका जनानाम् आकर्षणस्य केन्द्रम् अभवत्। तस्याः उपरि बृहदक्षरैः लिखितम् आसीत्, कन्या जाता, लक्ष्मी आगता। यः कश्चित् एतां यानवाहिकाम् अपश्यत्, तस्य दृष्टिः किञ्चित्कालं तत्रैव स्थिरा अभवत्।

वास्तवतः न्यूशक्तिनगरनिवासिनोः ललितकुमारस्य निकिता इत्यस्याः च दम्पत्योः प्रथमसन्ततिरूपेण कन्यायाः जन्म अभवत्। बाङ्गडचिकित्सालये जातायाः एतस्याः शिशुकन्यायाः स्वागतं परिवारेण महोत्सववत् आचरितम्। तयोः विवाहः २०२५ तमस्य वर्षस्य फरवरीमासे अभवत्। प्रथमसन्ततिरूपेण कन्यायाः आगमनेन समग्रे परिवारे उत्सवमयः वातावरणः अभवत्।

अस्य प्रसङ्गस्य अत्यन्तं भावपूर्णः पक्षः आसीत् यत् ललितकुमारस्य पादे किञ्चित्कालपूर्वं दुर्घटनायाः कारणेन अस्थिभङ्गः अभवत्। तथापि सः स्वकन्यायाः स्वागतं संस्मरणीयं कर्तुम् अचिन्तयत् तथा परिवारजनान् चिकित्सालयं यावत् विशेषरूपेण अलङ्कृतां यानवाहिकां नेतुम् इच्छाम् अव्यक्तयत्। परिवारेण तस्य इच्छा पूरिता। यानवाहिका गुब्बारैः घोषणापट्टिकाभिश्च अलङ्कृता, तस्यामेव यानवाहिकायां माता नवजातकन्या च सम्मानपूर्वकं गृहं नीतौ।

गृहप्राप्तौ नवजातकन्यायाः पारम्परिकविधिना स्वागतं कृतम्। तस्याः पदचिह्नानि गृहे अङ्कितानि तथा समग्रे परिवारे आनन्दोत्सवः आचरितः। अनन्तरं ललितकुमारः निकिता च स्वनवजातकन्यां कक्षे धारयित्वा मधुरपूपं छित्त्वा एतत् विशेषक्षणं परिवारेण सह संस्मरणीयम् अकुरुताम्।

ललितकुमारः निकिता च अवदताम् यत् अद्यतनकाले पुत्रे पुत्र्यां च कश्चन भेदः नास्ति। आवां स्वपुत्र्यै उत्तमां शिक्षां, श्रेष्ठान् संस्कारान्, जीवने प्रगतये आवश्यकान् सर्वान् अवसरान् च प्रदास्यावः। आवयोः विश्वासः अस्ति यत् एषा पुत्री भविष्ये परिवारस्य समाजस्य च यशः वर्धयिष्यति।

बाङ्गडचिकित्सालये अलङ्कृता एषा यानवाहिका तथा कन्याजननस्य अयं विशिष्टः उत्सवः दिवसभरं जनानां चर्चाविषयः अभवत्। एषा पहल केवलं कन्याजननस्य आनन्दोत्सवः न आसीत्, अपितु समाजे कन्यासम्मानस्य समानतायाश्च सकारात्मकसन्देशस्य प्रभावी प्रसारकः अपि अभवत्।

---------------

Hindusthan Samachar / Dheeraj Maithani