Enter your Email Address to subscribe to our newsletters
-विझिंजम अंताराष्ट्रियबंदरगाहस्थानके 18 अगस्ततः शुभारप्स्यते वस्तुनाम् आयात-निर्यातम्
नवदिल्ली/तिरुवनंतपुरम्, 25 जुलाईमासः (हि.स.)।केरलराज्यस्थितस्य विझिंजम् अन्ताराष्ट्रियबन्दरगाहस्य विदेशैः सह वस्तूनाम् आयातनिर्यातकार्यस्य आरम्भार्थं सीमाशुल्कविभागस्य अनुमतिः प्राप्ता। विझिंजम् इन्टरनेशनल सी पोर्ट लिमिटेड इति संस्थया शनिवासरे प्रकाशितवक्तव्ये उक्तं यत् केन्द्रीयाप्रत्यक्षकरसीमाशुल्कमण्डलेन अस्य प्रारम्भस्य अनुमतिः प्रदत्ता। बन्दरगाहस्य निर्यातआयातभारपरिवहनकार्यस्य अन्तिमा अनुमतिः १८ अगस्ततः प्रदत्ता अस्ति।
२४ जुलै तमे दिने केन्द्रीयाप्रत्यक्षकरसीमाशुल्कमण्डलेन निर्गतानुसारम् आदेशेन तिरुवनन्तपुरस्य समीपे स्थितः विझिंजम् अन्ताराष्ट्रियबन्दरगाहः अद्यावधि केवलम् अन्ताराष्ट्रियपारवहनकेन्द्ररूपेण कार्यं कुर्वन् आसीत्। किन्तु १८ अगस्त २०२६ तः अत्र मालस्य निर्यातआयातकार्यं अपि प्रारभ्यते। विझिंजम् इन्टरनेशनल सी पोर्ट लिमिटेड इति संस्थया उक्तं यत् अधुना बन्दरगाहेन सह सम्बद्धं किमपि निर्धारितं कन्टेनरभारकेन्द्रम् नास्ति। अतः केन्द्रीयाप्रत्यक्षकरसीमाशुल्कमण्डलेन निर्यातआयातभारव्यवस्थापनार्थं अनेके अनुबंधाः निर्धारिताः।
कन्टेनरभारकेन्द्रम् बन्दरगाहस्य समीपे स्थितं तत् केन्द्रं भवति यत्र आयातनिर्यातयोः प्रयुज्यमानकन्टेनरेषु स्थितानां वस्तूनां परीक्षणम् पुटीकरणम् उद्घाटनम् पुनर्भरणम् सीमाशुल्कसम्बद्धाः औपचारिकप्रक्रियाः च सम्पन्नाः भवन्ति। अस्य व्यवस्थायाः अन्तर्गतं आयातकार्यं केवलं प्रत्यक्षबन्दरगाहपूर्त्यर्थं योग्येषु पूर्णकन्टेनरभारयुक्तेषु कन्टेनरेषु एव सीमितं भविष्यति। एतानि कन्टेनराणि बन्दरगाहम् आगमनात् अष्टचत्वारिंशत् घण्टानां मध्ये प्रत्यक्षतया आयातकस्य परिसरं प्रापयितव्यानि।
विझिंजम् अन्ताराष्ट्रियबन्दरगाहः भारतस्य प्रथमः गम्भीरजलपरिवहनबन्दरगाहः अस्ति। सः केरलराज्यस्य तिरुवनन्तपुरे स्थितः। अयं बन्दरगाहः २ मई २०२५ तमे दिने प्रधानमन्त्रिणा नरेन्द्रमोदिना राष्ट्राय समर्पितः। अयं अन्ताराष्ट्रियपूर्वपश्चिमनौपरिवहनमार्गात् केवलं दशसमुद्रीमीलदूरे स्थितः अस्ति।
---------------
Hindusthan Samachar / Dheeraj Maithani