मुरादाबादनगरम्, २५ जुलाईमासः (हि.स.)। सेण्ट्-मीरा-अकादम्याः कांशीराम-नगर-शाखायाः मुरादाबादस्य द्वौ छात्रौ आईआईटी-प्रवेश-परीक्षायाम् उत्कृष्टं प्रदर्शनं कृत्वा विद्यालयस्य जनपदस्य च नाम गौरवान्वितवन्तौ। महक-चौहान-इत्यनया १२३१तमः क्रमाङ्कः, भानु-प्रताप-सैनिना च २७४६तमः क्रमाङ्कः प्राप्तः। उभावपि स्वप्रतिभां सिद्धवन्तौ। एतस्याः उपलब्धेः निमित्तं विद्यालये हर्षोल्लासः व्यक्तः। सहपाठिभिः तौ अभिनन्दितौ, तयोः उज्ज्वल-भविष्यस्य च शुभकामनाः प्रदत्ताः।

विद्यालयस्य प्रबन्धकः कैप्टन-अमिताभ-प्रकाशः, शिक्षा-निर्देशिका अक्षरी-प्रकाशः, वित्त-निर्देशिका पर्णिका-प्रकाशः तथा प्रधानाचार्या पारुल-अग्रवालः उभौ मेधाविनौ छात्रौ सम्मानितवन्तः। तैः उक्तं यत् महक-चौहान-इत्यस्या: भानु-प्रताप-सैनिनश्च एषा सफलता अन्येषां छात्राणामपि प्रेरणास्रोतः भविष्यति।

Hindusthan Samachar / Divya Ranjan