वाराणसी, 25 जुलाईमासः (हि.स.)।उत्तरप्रदेशस्य वाराणसीजनपदान्तर्गतस्य पूर्वाञ्चलविद्युत्वितरणनिगमस्य प्रबन्धनिर्देशकः शम्भुकुमारः शनिवासरे कृषकेभ्यः स्वसन्देशं प्रदत्तवान्। प्रबन्धनिर्देशकः उक्तवान् यत् वर्षाकाले कृषकैः सुरक्षायाः विशेषः ध्यानं धारयितव्यम्। सुरक्षितविद्युतुपयोगेन एव कृषकस्य कृषिर्जीवनं च सुरक्षितं भवितुम् अर्हति।

प्रबन्धनिर्देशकः कृषकान् कतिपयानि विषयाणि स्मारयन् उक्तवान् यत् मोटरपम्पं प्रवर्तयितुं पूर्वं ताराणां संयोजनानां च परीक्षणम् अवश्यं क्रियताम्। मोटरयन्त्रस्य क्षमतानुसारमेव धारित्रस्य उपयोगः क्रियताम्। विद्युत्स्तम्भानां, रूपान्तरकयन्त्राणां, विद्युत्रेखाणां च समीपे बालकान् पशून् च मा गन्तुं ददातु। पशवः सुरक्षितस्थाने एव स्थापनीयाः, उद्घाटिततारेभ्यः दूरं स्थापयितुं अत्यावश्यकम्।

शनिवासरे पूर्वाञ्चलविद्युत्वितरणनिगमलिमिटेड् इत्यस्य पक्षतः “खुशहालकृषक” इति नाम्ना सूचनापत्रम् अपि प्रकाशितम्। अस्मिन् कृषकाणां सुरक्षितकृषेः सुरक्षितजीवनस्य च विषयसम्बद्धाः प्रमुखबिन्दवः समाविष्टाः सन्ति।

---------------

Hindusthan Samachar / Dheeraj Maithani