नागपुरनगरम्, २६ जुलाईमासः (हि.स.)। महाराष्ट्रस्य मुख्यमन्त्री देवेन्द्र-फडणवीसः रविवासरे स्वस्य केन्द्रे गमनस्य चर्चासु विरामं विधाय अवदत्— “अहं महाराष्ट्रे एव स्थास्यामि।” अस्य वक्तव्यस्य अनन्तरं तस्य देहली-गमनस्य केन्द्र-सर्वकारे उत्तरदायित्व-प्राप्तेश्च विषये प्रचलिताः सर्वाः समस्या: समाप्ताः।

नागपुरे माध्यम-प्रतिनिधिभिः सह संवादकाले फडणवीसः मुम्बई-नगरे ठाकरे-भ्रातृभ्यां आयोजितां ‘जल्लोष-सभाम्’ अपि लक्ष्यीकृतवान्। सः अवदत् यत् विद्यार्थिनां विषयाः न कस्यचित् व्यक्तेः न वा कस्यचित् राजनैतिक-दलस्य विषयाः सन्ति। राष्ट्रहितं सर्वोपरि वर्तते। अस्मिन् विषये प्रधानमन्त्रिणा नरेन्द्र-मोदिना संवेदनशीलतां प्रदर्श्य सर्वे आवश्यक-निर्णयाः गृहीताः। सः अवदत् यत् उद्धव-ठाकरे धर्मेन्द्र-प्रधानस्य त्यागपत्रेण किञ्चित् आनन्दितः अभवत्। यदि सः प्रसन्नः अस्ति, तर्हि तं प्रसन्नम् एव भवितुं दद्यात्। अहं सम्प्रति नागपुरे अस्मि, सायंकाले मुम्बई-नगरम् आगमिष्यामि। सः स्पष्टतया उक्तवान् यत् सः सम्प्रति महाराष्ट्रस्य मुख्यमन्त्रिरूपेण एव कार्यं करिष्यति।

उल्लेखनीयम् अस्ति यत् शनिवासरे धर्मेन्द्र-प्रधानस्य त्यागपत्रात् किञ्चित् पूर्वं मुख्यमन्त्री देवेन्द्र-फडणवीसः देहलीम् अगच्छत्। ततः परं शिवसेना-पक्षस्य प्रवक्ता सञ्जय-राउतः एषां सम्भावनाम् व्यक्तवान् यत् देवेन्द्र-फडणवीसः केन्द्रीय-शिक्षा-मन्त्रीं कर्तुं शक्यते। ततः अनन्तरं तस्य केन्द्रीय-मन्त्रिमण्डले समावेशस्य चर्चा तीव्रतया प्रारब्धा। मुख्यमन्त्रिणा अद्य एतासां सर्वासां चर्चानां विरामः कृतः।

Hindusthan Samachar / Divya Ranjan