भोपालम्, 26 जुलाईमासः (हि.स.) ।

मध्यप्रदेशस्य मुख्यमन्त्री डॉ. मोहनयादव कार्गिलविजयदिवसस्य अवसरे मातृभूमेः रक्षणार्थं स्वप्राणानां सर्वोच्चबलिदानं कृतवन्तः अमरवीरान् श्रद्धया ननाम।

मुख्यमन्त्री डॉ. यादवो रविवासरे सामाजिकमाध्यमे एक्स इत्यत्र प्रकाशिते स्वसन्देशे अवदत् यत् कार्गिलयुद्धे दुर्गमशिखरेषु अदम्यसाहसं पराक्रमं च प्रदर्शयन्तः भारतीयजवानाः तिरङ्गध्वजस्य गौरवरक्षणं कृत्वा स्वर्णिमम् इतिहासं निर्मितवन्तः। राष्ट्रं सदैव एतेषां वीरजवानानाम् ऋणी भविष्यति।

उल्लेखनीयं यत् कार्गिलविजयदिवसः प्रतिवर्षं २६ जुलै दिनाङ्के आचर्यते। अयं दिवसः भारतीयसेनायाः अदम्यसाहसस्य, शौर्यस्य, बलिदानस्य च स्मरणं कारयति। एतैरेव वीरैः १९९९ तमे वर्षे कार्गिलयुद्धे विजयः प्राप्तः।

---------------

Hindusthan Samachar / Dheeraj Maithani