Enter your Email Address to subscribe to our newsletters
२७ जुलाईमासः भारतीयक्रीडा-इतिहासे लक्ष्यभेदक्षेत्रस्य ऐतिहासिकसफलतारूपेण अभिलिखितः दिवसः अस्ति। अस्मिन्नेव दिने १९९४ तमे वर्षे भारतस्य युवा-लक्ष्यभेदकः जसपालराणा इटलीदेशस्य मिलान-नगरे आयोजितायां षट्चत्वारिंश-त्तम्याः विश्वलक्ष्यभेद-प्रतियोगितायाः कनिष्ठवर्गे स्वर्णपदकं विजित्य राष्ट्रस्य गौरवं वर्धितवान्।
जसपालराणा अस्यां स्पर्धायां ६०० अङ्केषु ५६९ अङ्कान् प्राप्तवान् तथा नूतनं कीर्तिमानम् अस्थापयत्। अनेन उत्कृष्टप्रदर्शनेन सः विश्वस्तरे स्वप्रतिभां प्रतिष्ठापितवान् तथा अन्ताराष्ट्रिय-लक्ष्यभेद-जगति विशिष्टां ख्यातिम् अलभत। भारतस्य नाम अपि विश्वक्रीडामञ्चे गौरवेण प्रतिष्ठितम् अभवत्।
एषा सिद्धिः जसपालराणायाः क्रीडाजीवने प्रथमं विश्वस्तरीयं स्वर्णपदकम् आसीत्। ततः परं तेन एशियाक्रीडासु, राष्ट्रकुल-क्रीडासु तथा अन्यासु अन्ताराष्ट्रीयस्पर्धासु बहूनि पदकानि विजित्य भारतीयलक्ष्य-भेदम् उच्चतरं स्तरं प्रापितम्।
जसपालराणायाः एषः ऐतिहासिकः विजयः भारतीयलक्ष्यभेदक्षेत्राय प्रेरणादायकः क्षणः अभवत्। तस्य सफलतया देशस्य अनेके युवा-क्रीडकाः अस्मिन् क्रीडाक्षेत्रे प्रवृत्ताः, तथा भारतस्य विश्वलक्ष्यभेदक्षेत्रे सुदृढा प्रतिष्ठा निर्मातुं महत्त्वपूर्णा भूमिका निर्वुढा।
महत्त्वपूर्णाः घटनाः
• १७८९ - प्रथमसंघीयसंस्था विदेशकार्यमन्त्रालयस्य स्थापना अभवत्।• १८६२ - अमेरिकादेशस्य कान्टन-नगरे भीषणवात्यया चत्वारिंशत्सहस्राधिकानां जनानां मृत्युः अभवत्।• १८८८ - फिलिप-प्राट् प्रथमवारं विद्युत्चालितयानस्य प्रदर्शनम् अकरोत्।• १८९७ - बालगङ्गाधरतिलकः प्रथमवारं गृहीतः।• १९३५ - चीनदेशस्य याङ्गजी तथा होआङ्ग-नद्यां महाप्लावनेन द्विलक्षाधिकजनानां मृत्युः अभवत्।• १९३९ - केन्द्रीयरक्षितपुलिसबलस्य स्थापना अभवत्।• १९४० - अ वाइल्ड हेयर इति चलचित्रे प्रथमवारं बग्स बनी इति पात्रस्य प्रदर्शनम् अभवत्।• १९८२ - प्रधानमन्त्री इन्दिरागान्धी प्रायः एकादशवर्षानन्तरं अमेरिकादेशस्य यात्राम् अकरोत्।• १९८७ - अन्वेषकैः टाइटैनिक-यानस्य अवशेषाः अन्विष्टाः।• १९९० - ग्राहम-गूचः भारतविरुद्धं लॉर्ड्स-क्रीडाङ्गणे ३३३ धावनाङ्कान् अर्जितवान्।• १९९४ - जसपालराणा विश्वलक्ष्यभेदस्पर्धायां स्वर्णपदकं विजितवान्।• १९९६ - अमेरिकादेशस्य अटलाण्टा-नगरस्य ओलम्पिक-उद्घाटनसमारोहे विस्फोटः अभवत्।• २००२ - उक्रेनदेशे विमानदुर्घटनायां सप्ततिजनाः मृताः।• २००३ - संयुक्तराज्यम् अमेरिकादेशः यमनदेशाय स्कड्-प्रक्षेपास्त्रविक्रेतृ उत्तरकोरियादेशीयसंस्थायाः उपरि नूतनप्रतिबन्धान् आरोपितवान्।• २००६ - रूसदेशस्य नेपर-प्रक्षेपणयानं भूमौ पतितम्।• २००७ - आस्ट्रेलियावैज्ञानिकैः चत्वारिंशत्सहस्रवर्षपूर्वस्थितस्य विशाल-वोम्बैट्-जीवस्य जीवाश्मः प्राप्त इति उद्घोषितम्।• २००८ - नेपालदेशे सुभाषनेमवाङ्गः संविधानसभाध्यक्षपदस्य शपथं गृहीतवान्।
जन्म
• १९१३ - कल्पनादत्ता - स्वातन्त्र्यसङ्ग्रामस्य प्रमुखा महिला-क्रान्तिकारिणी।• १९२७ - सत् महाजनः - भारतीयराजनेता।• १९४० - भारती मुखर्जी - भारतीयमूलस्य सुप्रसिद्धा लेखिका।• १९५४ - जी. एस. बाली - भारतीयराजनेता।• १९६० - उद्धवठाकरे - महाराष्ट्रस्य पूर्वमुख्यमन्त्री।• १९६३ - के. एस. चित्रा - भारतस्य सुप्रसिद्धा गायिका।• १९६७ - आसिफ बसरा - भारतीयचलचित्राभिनेता।• १९६९ - जॉन्टीरोड्सः - दक्षिणाफ्रिकादेशस्य पूर्वक्रिकेटक्रीडकः।• १९८३ - सीमा पुनिया - भारतीया चक्रक्षेपिका।
निधनम्
• १८९१ - राजेन्द्रलालमित्रः - भारतविद्यायाः प्रख्यातः विद्वान्।• १९३३ - कल्याणसिंहकालवी - नवमलोकसभायाः सदस्यः।• १९४४ - पीताम्बरदत्तबड़थ्वालः - हिन्दीसाहित्यस्य प्रख्यातः विद्वान्।• १९७० - पत्तम थानु पिल्लै - आधुनिककेरलस्य प्रमुखः नेता।• १९८७ - सालिम अली - भारतस्य प्रसिद्धः पक्षिविज्ञानी।• १९९२ - अमजदखानः - प्रसिद्धः चलचित्राभिनेता।• १९९९ - आई. के. कुमारन् - माहीप्रदेशात् फ्रांसीसीशासननिर्मूलने प्रमुखः।• २००२ - कृष्णकान्तः - भारतस्य पूर्वोपराष्ट्रपतिः।• २००३ - बॉबहोपः - विश्वविख्यातः हास्यकलाकारः।• २००५ - स्वामी शान्तानन्दः - भारतीयः सन्तः दार्शनिकश्च।• २००६ - शिवदीनरामजोशी - प्रसिद्धः कविः।• २०१५ - डॉ. ए. पी. जे. अब्दुलकलामः - वैज्ञानिकः, भारतस्य एकादशः राष्ट्रपतिः।• २०१६ - लच्छू महाराजः - भारतस्य विख्यातः तबलावादकः।• २०१७ - एन. धरमसिंहः - कर्नाटकस्य पूर्वमुख्यमन्त्री।
महत्त्वपूर्णः अवसरः
• केन्द्रीयरक्षितपुलिसबलस्य स्थापना-दिवसः।
Hindusthan Samachar / Divya Ranjan