Enter your Email Address to subscribe to our newsletters
मुख्यमन्त्री-शिक्षक-कैशलेस-चिकित्सा-योजनायाः प्रयागराजे शुभारम्भः, शिक्षकेभ्यः चिकित्सापत्रक-वितरणम्
प्रयागराजनगरम्, २६ जुलाईमासः (हि.स.)। शिक्षकाः राष्ट्रनिर्माणस्य वास्तविकाः शिल्पकाराः सन्ति, तेषां स्वास्थ्यस्य सुरक्षा सशक्तस्य विकसितस्य च समाजस्य आधारशिला अस्ति। एतद् रविवासरे प्रयागराजजनपदस्य हण्डिया-स्नातकोत्तर-महाविद्यालये आयोजिते मुख्यमन्त्री-शिक्षक-कैशलेस-चिकित्सा-योजनायाः भव्य-शुभारम्भसमारोहे मुख्यातिथिः भदोही-सांसदः डॉ. विनोदकुमारः विन्दः अवदत्।
सः स्वसम्बोधने उक्तवान् यत् एषा योजना शिक्षकाणां सम्मानस्य स्वास्थ्यसुरक्षायाश्च दिशि महत्त्वपूर्णः प्रयत्नः अस्ति। अनया शिक्षकाः स्वास्थ्यसम्बद्धचिन्ताभ्यः मुक्ताः भूत्वा पूर्णया निष्ठया समर्पणेन च भाविवंशानां निर्माणे स्वकर्तव्यं सम्यक् निर्वहिष्यन्ति।
अस्मिन् अवसरे हण्डिया-स्नातकोत्तर-महाविद्यालयस्य, कुलभास्कर-डिग्री-महाविद्यालयस्य, लाला-लक्ष्मीनारायण-डिग्री-महाविद्यालयस्य, प्रयाग-महिला-विद्यापीठस्य तथा महिला-सेवासदन-डिग्री-महाविद्यालयस्य प्राध्यापकेभ्यः मुख्यमन्त्री-शिक्षक-कैशलेस-चिकित्सा-योजनायाः अन्तर्गतं कैशलेस-चिकित्सा-पत्रकाणि वितरितानि।
स्वागतभाषणे क्षेत्रीय-उच्चशिक्षाधिकारी प्रो. सुनीता-जायसवालः उक्तवती यत् एषा योजना शिक्षकाणां स्वास्थ्यसंरक्षणस्य सम्मानस्य च दिशि राज्यसर्वकारस्य ऐतिहासिकः दूरदर्शी च प्रयत्नः अस्ति।
स्वसम्बोधने जनपदपञ्चायताध्यक्षः डॉ. वी.के. सिंहः उक्तवान् यत् योजनायाः अन्तर्गतं सूचीकृत-चिकित्सालयेषु शिक्षकाणां कृते कैशलेस-चिकित्सासुविधा उपलब्धा भविष्यति, येन चिकित्साकाले आर्थिककठिनतायाः सम्मुखिनः न कर्तव्यः भविष्यति। सः अवदत् यत् शिक्षकाः ज्ञानस्य, संस्कारस्य, नैतिकमूल्यानां च संवाहकाः सन्ति, अतः तेषां सम्मानं, सुरक्षा, स्वास्थ्यसंरक्षणं च समाजस्य सर्वकारस्य च सर्वोच्चप्राथमिकता अस्ति।
अपरजनपदाधिकारी श्रीमती विनीतासिंहः उक्तवती यत् सर्वकारस्य प्रत्येकं जन-हितकारियोजनायाः लाभः पात्रव्यक्तिभ्यः समयबद्धतया पारदर्शितया च प्रापयितुं प्रशासनस्य उत्तरदायित्वम् अस्ति।
कार्यक्रमस्य सञ्चालनं डॉ. शैलेन्द्रकुमारः यादवः अकरोत्। अन्ते महाविद्यालयस्य प्राचार्यः प्रो. (डॉ.) विवेकपाण्डेयः सर्वेषां अतिथीनां शिक्षाविदः प्राध्यापकान् च प्रति कृतज्ञतां प्रकट्य उक्तवान् यत् एषा योजना शिक्षकान् स्वास्थ्यसम्बद्धचिन्ताभ्यः विमोच्य अधिकेन उत्साहेन समर्पणेन च अध्यापनकार्यं कर्तुं प्रेरयिष्यति।
समारोहस्य शुभारम्भः मुख्यातिथिना सांसदेन डॉ. विनोदकुमारेण विन्देन, विशिष्टातिथिना जनपदपञ्चायताध्यक्षेन डॉ. वी.के.सिंहेन, अपरजनपदाधिकारिणा विनीतासिंहः इत्यनया, क्षेत्रीय-उच्चशिक्षाधिकारिणा प्रो. सुनीता-जायसवालः इत्यनया तथा नोडल-अधिकाऱिणा प्रो. ओमप्रकाशेन दीप-प्रज्वालनं कृत्वा माता सरस्वत्याः चित्रे माल्यार्पणं च कृत्वा अभवत्। डॉ. अनुरागः मालवीयः मङ्गलाचरणम् प्रस्तुतवान्। अस्मिन् समारोहे प्रयागराजजनपदस्य विभिन्नमहाविद्यालयानां प्राचार्याः, प्राध्यापकाः, शिक्षाविदश्च बहुसंख्यया उपस्थिताः आसन्।
Hindusthan Samachar / अंशु गुप्ता