Enter your Email Address to subscribe to our newsletters
बागपतम्, 26 जुलाईमासः (हि.स.)।
उत्तरप्रदेशस्य बागपतजनपदस्य चांदीनगरपुलिसस्थानकक्षेत्रे पुलिसदलस्य सतर्कता मानवीयप्रयत्नश्च प्रशंसनीयमुदाहरणं समुपस्थितम्। शनिवासरे सायंकाले २५ जुलै २०२६ तमे दिने पीआरवी दलाय सूचना प्राप्ता यत् सांकलपुट्टीग्रामे एका वृद्धा महिला भ्रमन्ती प्राप्ता या स्वनाम मूर्ति इति कथयन्ती लुईसरायग्रामं स्वस्य श्वशुरगृहं वदन्ती आसीत्। सूचनां प्राप्य पुलिसदलम् अविलम्बेन घटनास्थलं प्राप्य तां महिलां सुरक्षितरूपेण चांदीनगरपुलिसस्थानके आनयत्। तत्र ग्रामप्रधानस्य स्थानीयजनानां च साहाय्येन तस्याः परिजनानां अन्वेषणं प्रारब्धम्। बहुप्रयत्नानन्तरं परिजनानां पता ज्ञातः तेषां च सूचना प्रदत्ता। रविवासरे प्रातःकाले परिजनाः चांदीनगरपुलिसस्थानकम् आगतवन्तः यत्र पृष्टिपरिशीलनेन वृद्धायाः महिलायाः परिचयः श्रीमती मूर्ति रोशनपत्नी निवासी लुईसराय थाना फुगाना मुजफ्फरनगरजनपद इति निश्चितः। महिला अवदत् यत् सा स्वकीयात् मातृगृहात् बाढमरौहटाग्रामात् मेरठजनपदात् श्वशुरगृहं प्रत्यागच्छन्ती मार्गभ्रष्टा अभवत् तथा सांकलपुट्टीग्रामं प्राप्तवती। पुलिसस्य उपस्थितौ महिला तस्याः परिजनाश्च परस्परं परिचयं प्रत्यभिज्ञातवन्तः। आवश्यकां वैधानिकीं प्रक्रियां सम्पाद्य पुलिसेन महिला सकुशलं स्वपरिजनानां समर्पिता।
---------------
Hindusthan Samachar / अंशु गुप्ता