Enter your Email Address to subscribe to our newsletters
गुवाहाटी, 27 जुलाईमासः (हि.स.)।
असमराज्यस्य मुख्यमन्त्री डॉ. हिमन्तबिस्वसरमा सोमवासरे भारतस्य पूर्वराष्ट्रपतये महान् वैज्ञानिकाय च डॉ. एपीजे अब्दुलकलामाय तस्य पुण्यतिथ्यां भावपूर्णां श्रद्धाञ्जलिम् अर्पितवान्।
मुख्यमन्त्री स्वस्य सामाजिकमाध्यमसन्देशे उक्तवान् यत् मिसाइलमैन इति नाम्ना विख्यातः डॉ. कलामः उपग्रहप्रक्षेपणयानप्रौद्योगिक्याः बैलिस्टिकक्षेपणास्त्रविकासस्य च माध्यमेन भारतं प्रगतेः नूतनशिखरं प्रति नेतुं ऐतिहासिकं योगदानम् अददात्। तस्य दूरदर्शिनः नेतृत्वे भारतेन विज्ञानप्रौद्योगिक्योः क्षेत्रे विश्वस्तरे विशिष्टा परिचितिः प्राप्ता।
तेन उक्तं यत् विज्ञानक्षेत्रे तस्य योगदानेन सह देशस्य एकादशमः राष्ट्रपतिः इति रूपेण अपि तस्य सेवाः अतुलनीयाः आसन्। डॉ. कलामं जनतायाः राष्ट्रपति इति स्मरन् मुख्यमन्त्री उक्तवान् यत् सः अद्यापि देशस्य कोटिशः युवजनानां प्रेरणास्रोतः अस्ति।
मुख्यमन्त्री डॉ. एपीजे अब्दुलकलामस्य राष्ट्रनिर्माणे प्रदत्तम् अमूल्यं योगदानं स्मरन् तस्मै विनम्रां श्रद्धाञ्जलिम् अर्पितवान्।
------------
Hindusthan Samachar / Dheeraj Maithani