नव दिल्ली, 27 जुलाईमासः (हि.स.)।संसदीयकार्यमन्त्री किरेनरिजिजूः उक्तवान् यत् देशस्य सर्वेषां छात्राणां मागध्यानं तथा समीपकाले सम्पन्नं छात्रान्दोलनं मनसि निधाय परीक्षा समये प्रश्नपत्रप्रकाशनम् अनुचितसाधनानां प्रयोगं च निरोद्धुं सरकारः अद्य अत्यन्तमहत्त्वपूर्णं विधेयकं संसदि प्रस्तुतवती। तेन उक्तं यत् यदि एतादृशस्य विशालस्य छात्रान्दोलनस्य अनन्तरमपि अस्मिन् विषये संसदि चर्चा न भवेत् तर्हि तत् न संसदे हितकरं न च लोकतन्त्रस्य हिताय भवेत्। संसद् वादविवादचर्चयोः सर्वोच्चमञ्चम् अस्ति, अतः एतादृशेषु महत्त्वपूर्णविषयेषु अत्रैव सार्थका चर्चा भवितुमर्हति।

रिजिजू संसत्भवनपरिसरे पत्रकारैः सह संवादे आरोपितवान् यत् काङ्ग्रेसदलम् अन्ये च केचन विपक्षदलाः अस्मिन् विधेयके चर्चा न भवेत् इति प्रयतन्ते तथा घोषणाभिः, कृष्णवर्णीयपत्रप्रदर्शनेन, अन्यैश्च उपायैः सदनस्य कार्यवाहीं बाधन्ते। तेन काङ्ग्रेसदलम् विपक्षदलांश्च प्रति अपीलं कृतम् यत् ते देशस्य छात्राणां भावनाः अवगच्छेयुः तथा कोलाहलं विहाय अस्मिन् महत्त्वपूर्णे विधेयके चर्चायां सहभागिनः भवेयुः।

तेन उक्तं यत् प्रधानमन्त्रिणा परीक्षाव्यवस्थायाः सुधारार्थं महत्त्वपूर्णः निर्णयः कृतः तथा तदर्थं कार्यदलस्य अपि गठनं कृतम्। तेन उक्तं यत् एतत् ऐतिहासिकं विधेयकं प्रश्नपत्रप्रकाशननिरोधाय कठोरान् समयबद्धान् च प्रावधानान् दोषिणां कृते च कठोरदण्डव्यवस्थां विधास्यति, येन छात्राणां भविष्यत् अधिकं सुरक्षितं भविष्यति। तेन सर्वेभ्यः दलभ्यः छात्रहितं सर्वोपरि निधाय अस्मिन् विधेयके गम्भीरां सकारात्मकां च चर्चां कर्तुम् आह्वानं कृतम्।

-----------

Hindusthan Samachar / Dheeraj Maithani