नवदेहली, २७ जुलाईमासः (हि.स.)। संसदः वर्षाकालीन-सत्रस्य अष्टमे दिने सोमवासरे विपक्षस्य तीव्र-कोलाहलस्य कारणेन लोकसभायाः कार्यवाही मङ्गलवासरे प्रातः ११ वादनपर्यन्तं स्थगिता अभवत्।

लोकसभायां सोमवासरे लोक-परीक्षा-संशोधन-विधेयकं प्रस्तुतम् अभवत्। केन्द्रीयमन्त्री डॉ. जितेन्द्र-सिंहः मध्याह्ने ११ वादने पत्र-प्रस्रवणेन सम्बद्धं लोक-परीक्षा-संशोधन-विधेयकं सदने प्रस्तुतवान्। किन्तु विपक्षस्य तीव्र-कोलाहलस्य कारणेन विधेयकस्य विषये चर्चा न अभवत्। विपक्षः छात्राणां उपरि कृत-प्रहारस्य विषये चर्चायै आग्रहं कुर्वन् आसीत्।

ततः पूर्वं प्रचण्ड-कोलाहलस्य मध्ये लोकसभायाः कार्यवाही प्रथमं १२ वादनपर्यन्तं, ततः अपराह्णे २ वादनपर्यन्तं, अनन्तरं सायं ५ वादनपर्यन्तं स्थगिता अभवत्। अनन्तरं विपक्षीय-दलानां तीव्र-कोलाहलस्य कारणेन अद्यतन-दिनस्य कार्यवाही समाप्ता जाता, अतः संसदः कार्यवाही मङ्गलवासरे प्रातः ११ वादनपर्यन्तं स्थगिता अभवत्।

लोकसभायाः कार्यवाही दिवसे त्रिवारं कोलाहलस्य कारणेन स्थगिता अभवत्। यदा यदा सदनस्य कार्यवाही प्रारभ्यते स्म, तदा कांग्रेस-दलस्य समाजवादी-पक्षस्य च सांसदाः फलकानि तथा घोषणापत्राणि गृहीत्वा सदनस्य मध्यभागे आगत्य घोषणाः कुर्वन्ति स्म। लोकसभाध्यक्षः ओम-बिरला उक्तवान् यत् विधेयकस्य चर्चायै सर्वकारस्य विपक्षस्य च सांसदैः सहमतिं कृत्वा आगन्तव्यम्। ततः बिरला-महोदयः कांग्रेस-सांसदं के.सी. वेणुगोपालं तथा समाजवादी-पक्षस्य सांसदम् अखिलेश-यादवं च मिलितवान्।

अपरत्र संसदीय-कार्य-मन्त्री किरण-रिजिजूः लोकसभाध्यक्षम् ओम-बिरलां प्रति उक्तवान् यत् — “सार्वजनिक-परीक्षा विधेयक:, २०२६” इति चर्चायै विपक्षः किमर्थं घोषणाः कुर्वन् अस्ति, इति मम बोधात् परम् अस्ति। रिजिजूः उक्तवान् यत् अस्मिन् विधेयके सम्पूर्णस्य देशस्य युवजनानां दृष्टिः अस्ति।

Hindusthan Samachar / Divya Ranjan