Enter your Email Address to subscribe to our newsletters
नवदिल्ली, 28 जुलाईमासः (हि.स.)।
राष्ट्रपतिः द्रौपदीमुर्मू सोमवासरे कॉमनवेल्थगेम्स् २०२६ स्पर्धायां रजतपदकविजेतारं राजामुथुपाण्डिं हार्दिकाभिनन्दनम् अकरोत्। राष्ट्रपतिः एक्समाध्यमे लिखितवती यत् कॉमनवेल्थगेम्स् २०२६ स्पर्धायां पुरुषाणां ६५ किलोग्रामभारवर्गे रजतपदकविजेतारं राजामुथुपाण्डिं हार्दिकाभिनन्दनम्। तस्याः उक्तिः आसीत् यत् अस्य उपलब्धेः विषये सम्पूर्णः देशः गर्वम् अनुभवति। भविष्ये सर्वेषु प्रयत्नेषु मम हार्दिकाः शुभकामनाः सन्तु।
उल्लेखनीयम् अस्ति यत् भारतीयः भारोत्तोलकः मुथुपाण्डी राष्ट्रमण्डलक्रीडासु उत्कृष्टं प्रदर्शनं कृत्वा पुरुषाणां ६५ किलोग्रामभारवर्गे रजतपदकं प्राप्तवान्। शनिवासरे सम्पन्ने स्पर्धायां मुथुपाण्डी समग्रतया २८६ किलोग्रामभारम् उत्थाप्य द्वितीयस्थानं प्राप्तवान् तथा भारताय क्रीडानां द्वितीयं रजतपदकं समर्पितवान्।
-----------
Hindusthan Samachar / Dheeraj Maithani