Enter your Email Address to subscribe to our newsletters
महोबानगरम्, २७ जुलाईमासः (हि.स.)। उत्तरप्रदेशस्य महोबा-जनपदे गोमातुः सेवा-सुरक्षा-सम्मानस्य सुनिश्चिती-करणार्थं देशव्यापि गोसम्मान-आह्वान-अभियानस्य द्वितीय-चरणे सोमवासरे राष्ट्रपतिम् उद्दिश्य ज्ञापनं जनपद-अधिकारिण्यै गजल-भारद्वाज-महोदयायै समर्पितम्। जनानां हस्ताक्षरयुक्तेन ज्ञापनेन देशव्यापि गोवधस्य निषेधं, गोवंश-संरक्षणसम्बद्ध-विविध-महत्त्वपूर्ण-याचनानां विषये च केन्द्र-सर्वकारात् शीघ्रं निर्णयं कर्तुम् आग्रहः कृतः।
सोमवासरे जनपद-मुख्यालयस्थिते समाहर्तृ-कार्यालये सन्त-समाजस्य आह्वानेन समागतैः सनातनधर्मानुयायिभिः राष्ट्रपतिम् उद्दिश्य ज्ञापनं जनपद-अधिकारिण्यै गजल-भारद्वाज-महोदयायै समर्पितम्। अभियानस्य सम्भाग-प्रभारी निधि-त्रिपाठी अवदत् यत् गोमातुः राष्ट्रमाता-रूपेण घोषणां, देशव्यापि गोवधस्य पूर्ण-निषेधं, गोचर-भूमिनाम् अतिक्रमणमुक्तीकरणं, केन्द्रीय-गोसेवा-विधेः निर्माणं, गोसेवा-मन्त्रालयस्य गठनं, गोपालकेभ्यः प्रत्यक्ष-प्रोत्साहन-धनराशेः प्रदानं, शिक्षायां गोमहत्त्वस्य समावेशं तथा गोसंरक्षणसम्बद्धान्यपि विषयान् ज्ञापने समुत्थापितवान्।
महन्तः देवीचरणदासः अवदत् यत् सन्त-समाजस्य निर्देशानुसारम् एतत् अभियानं सम्पूर्णे देशे सञ्चाल्यते। अस्य प्रथमः चरणः गत-२७ एप्रिलमासे तहसील-स्तरे सम्पन्नः आसीत्, द्वितीयः चरणः अद्य २७ जुलाई-दिने जनपद-स्तरे आयोजितः। अग्रिम-चरणः २७ अक्टोबर-दिने प्रदेश-स्तरे आयोजयिष्यते। सः अवदत् यत् यावत् गोमाता राष्ट्रमाता इति न घोषिताऽस्ति, तावत् हस्ताक्षर-अभियानस्य ज्ञापन-समर्पणस्य च क्रमः अविरतं प्रवर्तिष्यते।
अभियानस्य जनपद-प्रभारी मनोज-कुमार-शुक्लः अवदत् यत् अस्य जनजागरण-अभियानस्य उद्देश्यं गोमातुः संरक्षणाय संवर्धनाय च जनसमर्थनस्य सङ्ग्रहणम् अस्ति। अभियानस्य अन्तर्गतं लक्षशः नागरिकाणां हस्ताक्षरयुक्तानि ज्ञापनानि राष्ट्रपतये, प्रधानमन्त्रिणे तथा सम्बन्धित-राज्यानां राज्यपालेभ्यः मुख्यमन्त्रिभ्यश्च प्रेष्यन्ते। गोसम्मान-आह्वान-अभियानं विगत-कतिपय-मासेभ्यः देशव्यापी-स्तरे सञ्चाल्यते।
अस्मिन् अवसरे माधवी-पुरवार:, विभावरी-गुप्ता, पूनम-अग्रवाल:, सरिता-सोनी, विमलेश-सोनी, उषा-नामदेव:, प्रियांशु-पुरवार:, अनुज-तिवारी, अभय-प्रताप-सिंहः, सौरभ-ठाकुरः, सौरभ-राजपूतः, अर्थ-शिवहरे, अखिलेश-शिवहरे, विजय-गौतमः, अज्जू-पाठकः तथा अभियानेन सम्बद्धाः अन्ये कार्यकर्तारः उपस्थिताः आसन्। अस्मिन् अवसरे सर्वे समाजस्य प्रत्येकं वर्गं गोमातुः सेवा-सुरक्षा-सम्मानाय अग्रे आगन्तुम् आह्वानम् अकुर्वन्।
Hindusthan Samachar / Divya Ranjan