भोपालम्, 27 जुलाईमासः (हि.स.)।

मध्यप्रदेशे युवभ्यः एकस्मिन् एव स्थले जीविकायाः, स्वजीविकायाः च, अप्रेण्टिसशृंखलायाः तथा शासकीययोजनानां लाभः प्राप्येत इति उद्देश्यम् अभिप्रेत्य राज्यसरकारेण प्रारब्धः युवासङ्गमः अधुना युवानां कृते अवसराणां सशक्तमञ्चरूपेण प्रतिष्ठितः। अस्य माध्यमेन त्रिलक्षद्विषष्टिसहस्रद्विसप्तनवताधिकत्रिशताधिकान् युवानः विविधावसरेषु संयोजिताः।

जनसम्पर्काधिकारिणी बबीतामिश्रा सोमवासरे सूचितवती यत् गतनवम्बरमासात् २०२४ तः जूनमासपर्यन्तं २०२६ प्रदेशस्य सर्वेषु जनपदेषु १०१२ युवासङ्गमकार्यक्रमाः आयोजिताः। एतेषां कार्यक्रमाणां माध्यमेन त्रिलक्षद्विषष्टिसहस्रसप्तशतनवनवताधिकद्विशतान् युवानः जीविकायां, स्वरोजगारे तथा अप्रेण्टिसशिपे संयोजिताः। तेषु एकलक्षैकाशीतिसहस्रद्विशताष्टचत्वारिंशदधिकद्विशतान् युवानः निजीक्षेत्रे रोजगारस्य प्रस्तावपत्राणि प्राप्तवन्तः, सप्तदशसहस्राष्टशतसप्ताशीत्यधिकसप्तशतानां युवानाम् अप्रेण्टिसशिपार्थं चयनं जातम् तथा एकलक्षत्रिषष्टिसहस्रषट्शतचतुःषष्ट्यधिकषट्शतान् युवानः स्वरोजगारयोजनानां लाभं प्राप्तवन्तः। राज्यसर्वकारस्य एषा योजना युवानाम् आत्मनिर्भरतां संवर्धयन्ती प्रदेशे जीविकाभिमुखपरिवेशस्य निर्माणे प्रभावीभूमिकां निर्वहति।

एकस्मिन् एव मञ्चे रोजगारस्य, स्वरोजगारस्य तथा अप्रेण्टिसशिपस्य अवसराः

सा अवदत् यत् प्राविधिकशिक्षाविभागस्य, कौशलविकासरोजगारविभागस्य तथा सूक्ष्मलघुमध्यमोद्यमविभागस्य संयुक्तप्रयत्नैः नवम्बरमासात् २०२४ आरभ्य प्रदेशस्य प्रत्येकस्मिन् जनपदे प्रतिमासं निर्धारिततिथौ युवासङ्गमस्य आयोजनं क्रियते। अस्य अभिनवोपक्रमस्य अन्तर्गतं रोजगारदिवसः, रोजगारमेला तथा अप्रेण्टिसशिपमेला एकीकृत्य युवभ्यः एकस्मिन् एव स्थले विविधाः अवसराः प्रदीयन्ते। रोजगारसञ्चालनालयस्य, कौशलविकाससञ्चालनालयस्य तथा एमएसएमईविभागस्य समन्वितप्रयत्नैः युवभ्यः तेषां योग्यतानुरूपं रुच्यनुरूपं च रोजगारस्य, प्रशिक्षणस्य, स्वरोजगारस्य च विकल्पाः प्रदीयन्ते।

शासकीययोजनाभिः अपि संयुज्यन्ते युवानः

युवासङ्गमः केवलं रोजगारप्रदानपर्यन्तं सीमितः नास्ति। युवासङ्गममेलायां युवभ्यः विविधशासकीयजनकल्याणयोजनानां सूचना लाभश्च प्रदीयते। समाजकल्याणविभागस्य नशामुक्त्यभियानम्, स्वास्थ्यविभागस्य मानसिकस्वास्थ्यसम्बद्धजागरूकताकार्यक्रमाः तथा युवसम्बद्धाः अन्याः शासकीययोजनाः अपि अस्य मञ्चस्य माध्यमेन संयोजिताः। स्थानीयावश्यकतानुसारं जनपदप्रशासनं आयोजनस्य तिथिं परिवर्तयितुमपि शक्नोति, येन अधिकाधिकयुवानां सहभागिता सुनिश्चिता भवेत्।

प्रतिवर्षं वर्धते युवासङ्गमस्य प्रभावः

जनसम्पर्काधिकारिणी अवदत् यत् युवासङ्गमस्य प्रभावः प्रसारश्च निरन्तरं वर्धते। गतनवम्बरमासात् २०२४ तः मार्चमासपर्यन्तं २०२५ आयोजितेषु २३६ युवासङ्गमकार्यक्रमेषु माध्यमेन सप्तचत्वारिंशत्सहस्रैकशतनवाधिकशतं युवानः लाभान्विताः। तेषु षट्त्रिंशत्सहस्रषट्शतैकचत्वारिंशदधिकशतं युवानः रोजगारप्रस्तावपत्राणि प्राप्तवन्तः, पञ्चसहस्रत्रिशताष्टाशीत्यधिकशतानां युवानाम् अप्रेण्टिसशिपार्थं चयनं जातम् तथा पञ्चसहस्राशीत्यधिकयुवानः स्वरोजगारयोजनाभिः संयोजिताः।

वित्तीयवर्षे २०२५ २६ अस्य उपक्रमस्य प्रभावः अधिकः अभवत्। अस्मिन् काले ६२६ युवासङ्गमकार्यक्रमाः आयोजिताः, येषां माध्यमेन द्विलक्षाष्टषष्टिसहस्रद्विशतत्र्यशीत्यधिकत्रिशतं युवानः लाभान्विताः। तेषु एकलक्षपञ्चविंशतिसहस्रद्विशताष्टषष्ट्यधिकद्विशतं युवानः रोजगारप्रस्तावपत्राणि प्राप्तवन्तः, दशसहस्रनवशतद्वादशाधिकयुवानाम् अप्रेण्टिसशिपार्थं चयनं जातम् तथा एकलक्षद्वात्रिंशत्सह्रत्रिशतत्र्यधिकशतं युवानः स्वरोजगारयोजनानां लाभं प्राप्तवन्तः। एतत् वर्षं युवासङ्गमस्य अत्यन्तप्रभावशालिषु उपलब्धिषु गणितम्।

वित्तीयवर्षस्य २०२६ २७ प्रथमेषु त्रिषु मासेषु एव अर्थात् अप्रैलमासात् जूनमासपर्यन्तं १५० युवासङ्गमकार्यक्रमाः आयोजिताः। एतेषां माध्यमेन सप्तचत्वारिंशत्सहस्रचतुःशतसप्ताधिकशतं युवानः लाभान्विताः। तेषु नवदशसहस्रत्रिशतोनचत्वारिंशदधिकशतं युवानः रोजगारप्रस्तावपत्राणि प्राप्तवन्तः, एकसहस्रपञ्चशतसप्ताशीत्यधिकयुवानाम् अप्रेण्टिसशिपार्थं चयनं जातम् तथा षड्विंशतिसहस्रचतुःशतैकाशीत्यधिकशतं युवानः स्वरोजगारयोजनाभिः लाभान्विताः।

वृत्तिमार्गदर्शनेन लभ्यते सम्यक् दिशा

सा अवदत् यत् युवभ्यः केवलं रोजगारावसराः एव न, अपितु सम्यक् वृत्तिनिर्वाचनार्थं मार्गदर्शनम् अपि प्रदीयते। शासकीयउच्चप्राथमिकविद्यालयेषु, उच्चमाध्यमिकविद्यालयेषु, औद्योगिकप्रशिक्षणसंस्थासु तथा अन्येषु शिक्षणसंस्थासु ४०८९ वृत्तिमार्गदर्शनसत्राणि आयोजितानि। एतेषां सत्राणां माध्यमेन एकलक्षैकषष्टिसहस्रनवशतपञ्चदशाधिकशतं विद्यार्थिनः वृत्तिविकल्पानां, कौशलविकासस्य, रोजगारस्य, अप्रेण्टिसशिपस्य तथा स्वरोजगारस्य सम्भावनानां विषये अवगताः कृताः, तेषां भविष्यनिर्माणाय समुचितदिशा च प्रदत्ता।

आत्मनिर्भरमध्यप्रदेशस्य दृढाधारः भवति युवसङ्गमः

एवं युवसङ्गमः अधुना केवलं शासकीयकार्यक्रमः नास्ति, अपितु युवानः विविधावसरेभ्यः संयोजयन् व्यापकजनाभियानरूपेण विकसितः। एषः उपक्रमः प्रदेशस्य युवानाम् आत्मनिर्भरतां संवर्धयन् विकसितस्य जीविकासमृद्धस्य मध्यप्रदेशस्य निर्माणे महत्त्वपूर्णं योगदानं ददाति।

---------------

Hindusthan Samachar / Dheeraj Maithani