Enter your Email Address to subscribe to our newsletters
राञ्चीनगरम्, २८ जुलाईमासः (हि.स.)। झारखण्ड-आरक्षकविभागाय माओवादीनां विरुद्धं सञ्चाल्यमाने अभियाने महती सफलता प्राप्ता। 'नवजीवन–II' इत्यस्य अभियानस्य अन्तर्गतं प्रतिबन्धितस्य भाकपा-सङ्गठनस्य षोडश सक्रिय-माओवादीनः मङ्गलवासरे झारखण्ड-आरक्षकविभागस्य पुरतः आत्मसमर्पणम् अकुर्वन्। आत्मसमर्पणं कृतवत्सु सङ्घकनस्य विभिन्न-स्तरीय-सेनानायकाः सदस्याश्च समाविष्टाः सन्ति। तैः आरक्षकविभागाय ११ आधुनिक-शस्त्राणि, ३८ तथा १,५६२ सजीव-गुटिका: समर्पिताः।
आरक्षक-मुख्यालये आयोजिते कार्यक्रमे राज्यस्य आरक्षक-महानिदेशिका तदाशा-मिश्रा अवदत् यत् झारखण्ड-आरक्षकविभागेन, केन्द्रीय-आरक्षित-आरक्षक-बलेन, कोबरा-बटालियन इत्यनेन तथा झारखण्ड-जगुआर-दलेन संयुक्तरूपेण सञ्चाल्यमानैः अभियानैः माओवादी-सङ्गठने निरन्तरं बलं वर्धते। राज्य-सर्वकारस्य आत्मसमर्पण-पुनर्वास-नीतेः प्रभावेण बहुसंख्याकाः माओवादीनः हिंसामार्गं परित्यज्य समाजस्य मुख्यधारायां पुनः प्रत्यागच्छन्ति।
डीजीपी-महोदयायाः अनुसारम् आत्मसमर्पणं कृतवत्सु षोडश माओवादीषु ११ पुरुषाः पञ्च महिलाश्च सन्ति। तेषु एकः क्षेत्रीय-समिति-सदस्य:, त्रयः क्षेत्रीय-मण्डल-समिति-सदस्याः, त्रयः उपक्षेत्रीय-समिति-सदस्याः, षट् क्षेत्र-समिति-सदस्याः, तथा त्रयः दस्ता-सदस्याः सन्ति। एते सर्वे कोल्हान-सारण्डयोः दुर्गम-वन-पर्वतीय-प्रदेशेषु सक्रियाः आसन् तथा सङ्घटनस्य शीर्ष-नेतृभ्यां मिसिर-बेसरा उर्फ सागर-जी तथा असीम-मण्डलस्य दस्तेन सह सम्बद्धाः आसन्।
डीजीपी अवदत् यत् निरन्तरैः सुरक्षा-अभियानैः, सङ्गठनस्य आन्तरिक-असन्तोषस्य वृद्ध्या तथा सर्वकारस्य पुनर्वास-नीतेः प्रभावेण माओवादी-सङ्गठनं निरन्तरं दुर्बलं भवति। विशेषतया पश्चिम-सिंहभूमि: तथा समीपवर्ती-क्षेत्रेषु नक्सल-गतिविधयः शीघ्रं संकुचिता: भवन्ति। सा अवदत् यत् अवशिष्टाः सक्रिय-माओवादीनः अपि हिंसामार्गं परित्यज्य आत्मसमर्पण-पुनर्वास-नीतेः लाभं गृह्णन्तु तथा समाजस्य मुख्यधारायां सम्मिल्य सम्मानपूर्णं जीवनं प्रारभन्ताम्।
सीआरपीएफ-महानिरीक्षकः साकेत-सिंहः अवदत् यत् अनेनैव जालेन सम्बद्धाः अन्ये अष्टौ सेनानायकाः सदस्याश्च अद्यतनकाले छत्तीसगढ-राज्येऽपि आत्मसमर्पणम् अकुर्वन्। झारखण्डे आत्मसमर्पणं कृतवत्सु षोडश माओवादीषु १५ पश्चिम-सिंहभूमि: (चाईबासा), लातेहार:, लोहरदगा, हजारीबाग:, खूंटी, बोकारो, राञ्ची, सरायकेला-खरसावाँ तथा गिरिडीह-जनपदानां निवासीन: सन्ति, अपरः एकः सदस्यः ओडिशा-राज्यस्य सुन्दरगढ-जनपदस्य निवासी अस्ति।
तेन उक्तं यत् वर्षे २०२६ अद्यावधि सञ्चालितेषु अभियानेषु ९३ माओवादीनः गृहीताः। अस्मिन्नेव अवधौ ४५ माओवादीनः आत्मसमर्पणम् अकुर्वन्, तथा पुलिस-संघर्षेषु २२ माओवादीनः निहताः। अस्मात् पूर्वं २१ मे-मासे २०२६ तमे वर्षे २७ माओवादीनः आत्मसमर्पणम् अकुर्वन्। जुलाई-मासे शीर्ष-माओवादी-सेनानायकानां विरुद्धं कार्यवाही तथा एका महिला-क्षेत्र-समिति-सदस्यायाः आत्मसमर्पणमपि सुरक्षा-बलानां महत्त्वपूर्ण-सफलतारूपेण अभवत्।
आईजी साकेत-सिंहः अवदत् यत् झारखण्डे सक्रियाः अन्ये अष्टौ माओवादीनः छत्तीसगढेऽपि आत्मसमर्पणम् अकुर्वन्। तेषु क्षेत्रीय-मण्डल-समिति-सदस्यः अश्विन् उर्फ लच्छू-कोरसा, क्षेत्र-समिति-सदस्यः सोहन-पुनेम, रीता उर्फ मङ्गली-कुञ्जाम, अनुषा-कुञ्जाम, रजनी-मुडकेम तथा सदस्याः राहत-माण्डवी, सुबनी, जेलानी च समाविष्टाः सन्ति।
आत्मसमर्पणं कृतवत्सु १५ लक्ष-रूप्यक-पुरस्कार-घोषितः क्षेत्रीय-समिति-सदस्यः सन्तोषः उर्फ बासुदेव-दा उर्फ गान्धी उर्फ दिलीप: उर्फ संजय-महतो उर्फ बासुकू उर्फ श्याम अपि समाविष्टः अस्ति। तदतिरिक्तं १० लक्ष-रूप्यक-पुरस्कार-घोषितः चन्दन-लोहरा तथा पञ्च-पञ्च-लक्ष-रूप्यक-पुरस्कार-घोषितौ अनिल-तुरी उर्फ उज्ज्वलः, सुखलाल-बिरजिया उर्फ अकेला इत्यादयः बहवः क्षेत्रीय-उपक्षेत्रीय-क्षेत्र-समिति-सदस्याः अपि मुख्यधारायां प्रत्यागताः।
आत्मसमर्पणं कृतवन्तः माओवादीनः षट् इंसास-भुषूण्डिका:, द्वे एके-४७-भुषूण्डिके, एका एचके-३३-भुषूण्डिका, एका यूएस-कार्बाइन तथा एका एम-१६-भुषूण्डिकाम् इति आहत्य ११ शस्त्राणि आरक्षकविभागाय समर्पितवन्तः। तैः सह ३८ गुटिका: तथा १,५६२ सजीव-गुटिका: अपि समर्पिताः।
आत्मसमर्पण-कार्यक्रमे एडीजी मनोज-कौशिकः, एडीजी टी. कण्डासामी, आईजी अनूप-बिरथरे, आईजी साकेत-सिंहः, आईजी नरेन्द्र-सिंहः, आईजी अजय-लिण्डा, आईजी मयूर-पटेलः, डीआईजी इन्द्रजीत-माहथा, डीआईजी कार्तिक-एस., डीआईजी शैलेन्द्र-बरनवालः, डीआईजी नौसाद-आलमः, डीआईजी वाई.एस. रमेशः, डीआईजी संजीव-कुमारः, डीआईजी मनोज-रतन-चौथे, डीआईजी सन्ध्या-रानी-मेहता, चाईबासा-आरक्षक-अधीक्षकः अमित-कुमार-रेणुः, राञ्ची-वरिष्ठ-आरक्षक-अधीक्षकः राकेश-रञ्जनः तथा अन्ये वरिष्ठ-आरक्षक-अधिकारीण: उपस्थिताः आसन्।
Hindusthan Samachar / Divya Ranjan