पूर्वी सिंहभूमः, 28 जुलाईमासः (हि.स.)।

विश्वप्रकृतिसंरक्षणदिवसस्य अवसरे आनन्दमार्गयूनिवर्सलरिलीफटीमग्लोबल तथा प्रिवेन्शन आफ क्रुएलिटी टू एनिमल्स एण्ड प्लाण्ट्स पीसीएपी जमशेदपुरयोः संयुक्ततत्त्वावधानेन मङ्गलवासरे गदरामध्यविद्यालये वृक्षारोपणपर्यावरणजागरूकताकार्यक्रमः आयोजितः।

अस्मिन् अवसरे विद्यार्थिनां मध्ये त्रिशतं फलवृक्षाणां पुष्पवृक्षाणां च पौधानां वितरणं कृत्वा तान् वृक्षसंरक्षणस्य पर्यावरणसन्तुलनस्य च पालनार्थं सङ्कल्पः कारितः।

कार्यक्रमम् सम्बोधयन् आनन्दमार्गस्य प्रतिनिधिः सुनीलआनन्दः उक्तवान् यत् पर्यावरणसंकटं प्राकृतिकं नास्ति अपितु मनुष्यस्य स्वार्थपरायणचिन्तनस्य परिणामः अस्ति। तेन उक्तं यत् सृष्टेः सर्वाधिकविकसितः बुद्धिमान् च जीवः मनुष्यः एव अस्ति अतः पर्यावरणसंरक्षणस्य महत्तमा उत्तरदायित्वं तस्य एव अस्ति। यदि मनुष्यः स्वमनः निर्मलं विशालं च कुर्यात् वृक्षान् वनस्पतीन् जीवजन्तून् च स्वपरिवारस्य अङ्गत्वेन मन्येत तर्हि एव प्रकृतेः वास्तविकसंरक्षणं सम्भविष्यति।

कार्यक्रमस्य समये विद्यार्थिभ्यः वृक्षाणां महत्त्वस्य जैवविविधतासंरक्षणस्य पृथिव्यां प्राणवायुसन्तुलनस्य संरक्षणे वृक्षाणां भूमिकायाः विषये अपि सूचना प्रदत्ता।

अस्मिन् अवसरे आनन्दमार्गविद्यालयस्य प्रधानाध्यापकः सीतारामः झूरीजमुदा तनिष्कदेवः तापसदेवः विद्यालयस्य शिक्षकाः शिक्षिकाः विद्यार्थिनश्च कार्यक्रमस्य सफलतायै सक्रियसहयोगम् अकुर्वन्।

---------------

Hindusthan Samachar / Dheeraj Maithani