बीकानेरम्, 28 जुलाईमासः (हि.स.)।

महाराजगङ्गासिंहविश्वविद्यालयः एकत्रिंशत्तमे जुलैदिने जयपुरस्थे लोकभवने विशेषदीक्षान्तसमारोहम् आयोजयिष्यति। अस्मिन् समारोहे राष्ट्रियमहिलाआयोगस्य अध्यक्षा विजयाकिशोररहाटकर तथा शिक्षाविद् समाजसेवी च प्रो अच्युतसामन्तः सामाजिकविज्ञानसङ्कायस्य विद्यावाचस्पतिमानदोपाधिना अलङ्करिष्येते।

विश्वविद्यालयस्य कुलगुरुः आचार्य मनोजदीक्षितः उक्तवान् यत् अयं समारोहः केवलं विशिष्टव्यक्तित्वेभ्यः मानदोपाधिप्रदानस्य अवसरः नास्ति अपितु समाजस्य राष्ट्रस्य च विकासे तेषां असाधारणयोगदानस्य आदर्शानां मानवीयमूल्यानां च सम्मानः अपि अस्ति। तेन उक्तं यत् विश्वविद्यालयः स्वस्य गौरवशालिपरम्परायाः निर्वहणं कुर्वन् उत्कृष्टयोगदानं दत्तवन्तः व्यक्तित्वान् सम्मानयति। अस्मात् पूर्वं भारतीयसंस्कृतेः प्रख्यातमूर्तिशिल्पी अरुणयोगीराजः अपि विश्वविद्यालयस्य मानदोपाधिना सम्मानितः आसीत्। तेन उक्तं यत् मानदोपाधिः केवलं शैक्षणिकसम्मानः नास्ति अपितु समाजस्य प्रति असाधारणसेवायाः उत्कृष्टनेतृत्वस्य राष्ट्रनिर्माणे उल्लेखनीयभूमिकायाः च सम्मानरूपेण विश्वविद्यालयस्य कृतज्ञतायाः प्रतीकः अस्ति। एतादृशानि व्यक्तित्वानि युवभ्यः दृढसङ्कल्पेन अनुशासनेन परिश्रमेण सेवाभावेन च जीवने अग्रे गन्तुं प्रेरणां ददति।

आचार्यदीक्षितः उक्तवान् यत् विजयाकिशोररहाटकरेण भारतीयमहिलानां सम्मानस्य अधिकाराणां सुरक्षायाः नेतृत्वस्य च नूतना दिशा प्रदत्ता। सा कुशला प्रशासिका भवित्वा गम्भीरचिन्तिका लेखिका सामाजिकचेतनायाः सशक्ता वाणी च अस्ति। तया प्रत्येकं दायित्वं लोकसेवायाः जनविश्वासस्य च अवसररूपेण निर्वाहितम्।

तेन उक्तं यत् प्रो अच्युतसामन्तेन कलिङ्गऔद्योगिकप्रौद्योगिकीसंस्थानस्य केआईआईटी कलिङ्गसामाजिकविज्ञानसंस्थानस्य केआईएसएस कलिङ्गआयुर्विज्ञानसंस्थानस्य च माध्यमेन लक्षशः विद्यार्थिनां जीवने शिक्षायाः स्वास्थ्यस्य पोषणस्य आवासस्य कौशलविकासस्य सम्मानजनकजीवनस्य च अवसराः प्रदत्ताः। तेन आर्ट आफ गिविङ्ग कन्याकिरण एजुकेशन फार आल इत्यादीनां सामाजिकअभियानानाम् अपि आरम्भः कृतः। प्रो सामन्तः अधुना यावत् पञ्चसप्ततिः मानदोपाधयः अनेकाः अन्तरराष्ट्रीयफेलोशिपाः पञ्चाशदधिकाः अन्ताराष्ट्रियपुरस्काराः बहरीनदेशस्य मङ्गोलियादेशस्य च सर्वोच्चनागरिकसम्मानौ द्विशताधिकाः राष्ट्रियसम्मानाः च प्राप्तवान्।

विश्वविद्यालयस्य कुलसचिवः यशपालआहूजः उक्तवान् यत् राज्यपालस्य अनुमत्या विशेषदीक्षान्तसमारोहः एकत्रिंशत्तमे जुलैदिने प्रातः सार्धैकादशवादने जयपुरस्थे लोकभवने राज्यपालस्य हरिभाऊबागडेस्य अध्यक्षतायाम् आयोजितः भविष्यति। अस्मिन् समारोहे मुख्यमन्त्री भजनलालशर्मा केन्द्रीयविधिन्यायमन्त्री अर्जुनराममेघवालः उपमुख्यमन्त्री डा प्रेमचन्दबैरवा च आमन्त्रिताः सन्ति। विश्वविद्यालयस्य प्रबन्धमण्डलस्य सदस्याः विविधसङ्कायानाम् अधिष्ठातारः च अपि समारोहे आमन्त्रिताः सन्ति।

विश्वविद्यालयस्य माध्यमप्रभारी उमेशशर्मा उक्तवान् यत् विशेषदीक्षान्तसमारोहस्य सिद्धताः आरब्धाः सन्ति। एतदर्थं विविधसमितीनां गठनं कृत्वा सर्वाः व्यवस्थाः सुनिश्चिताः क्रियमाणाः सन्ति।

---------------

Hindusthan Samachar / Dheeraj Maithani