- वरिष्ठ साहित्यकारो डॉ. रामेश्वर मिश्रः 'पंकजः इत्यस्य' भविष्यति सम्मानः, गुरु-शिष्य परम्पराविषये पर दास्यति व्याख्यानम्।

भोपालम्, 28 जुलाईमासः (हि.स.)।

मध्यप्रदेशस्य राजधानी भोपालनगरे गुरुपूर्णिमायाः पावनावसरे बुधवासरे एकोनत्रिंशत्तमे जुलैदिने अखिलभारतीयसाहित्यपरिषदः भोपालैककस्य तत्त्वावधानेन विश्वसंवादकेन्द्रे सम्मानसमारोहः व्याख्यानम् पावसगोष्ठी च आयोज्यते।

अखिलभारतीयसाहित्यपरिषदः भोपालैककेन मङ्गलवासरे सूचना प्रदत्ता यत् कार्यक्रमस्य अन्तर्गतं भारतीयदर्शनसंस्कृतिसाहित्ययोः प्रख्यातचिन्तकः वरिष्ठसाहित्यकारः डा रामेश्वरमिश्रः पङ्कजः सम्मानितः भविष्यति। अस्मिन् अवसरे सः गुरूशिष्यपरम्परा इति विषये व्याख्यानं दास्यति। स्वोद्बोधने सः भारतीयज्ञानपरम्परायां गुरोः भूमिकायाः गुरूशिष्यसम्बन्धस्य सांस्कृतिकाध्यात्मिकपरम्परायाः तथा वर्तमानसमये तस्य प्रासङ्गिकतायाः विषये प्रकाशं करिष्यति।

कार्यक्रमस्य अध्यक्षतां अखिलभारतीयसाहित्यपरिषदः भोपालैककस्य अध्यक्षा मध्यप्रदेशउर्दूअकादम्याः निदेशिका डा नुसरतमेहदी करिष्यति। कार्यक्रमस्य बीजवक्तव्यं परिषदः महामन्त्री सुनीतायादवेन प्रस्तुतं भविष्यति। कार्यक्रमस्य अन्तिमसत्रे पावसगोष्ठी आयोजिता भविष्यति यस्याम् नगरस्य विविधाः साहित्यकाराः रचनाकाराश्च वर्षर्त्वाधारितानां स्वकवितानां गीतानां गजलानां अन्यासां काव्यरचनानां च पाठं करिष्यन्ति।

अखिलभारतीयसाहित्यपरिषदः भोपालैककेन साहित्यकारेभ्यः शिक्षकेभ्यः विद्यार्थिभ्यः संस्कृतिप्रेमिभ्यः सर्वेभ्यः नागरिकेभ्यश्च अस्मिन् गरिमामये आयोजने उपस्थितिं कृत्वा कार्यक्रमं सफलं कर्तुम् आग्रहः कृतः।

---------------

Hindusthan Samachar / Dheeraj Maithani