Enter your Email Address to subscribe to our newsletters
भोपालम्, 28 जुलाईमासः (हि.स.)।
मध्यप्रदेशस्य मुख्यमन्त्री डा मोहनयादवः ग्लासगोनगरे प्रचलत्सु राष्ट्रमण्डलक्रीडास्पर्धासु २०२६ विभिन्नासु स्पर्धासु पदकानि विजित्य राष्ट्रस्य गौरवं वर्धितवन्तः भारतीयक्रीडकान् अभिनन्दितवान्। सहैव तेषां उज्ज्वलभविष्यस्य कामनाम् अपि कृतवान्।
मुख्यमन्त्री डा यादवः मङ्गलवासरे सामाजिकमाध्यमे एक्स इत्यत्र राष्ट्रमण्डलक्रीडास्पर्धासु २०२६ भारोत्तोलनस्पर्धायाः पुरुषाणां एकोनाशीतिकिलोग्रामवर्गे रजतपदकं विजित्य राष्ट्रस्य गौरवं वर्धितवन्तं वल्लुरि अजयबाबुं अभिनन्द्य उक्तवान् यत् क्रीडायाः प्रति तस्य समर्पणभावः राष्ट्रस्य युवाक्रीडकानां कृते प्रेरणास्रोतः अस्ति।
मुख्यमन्त्री डा यादवः राष्ट्रमण्डलक्रीडास्पर्धासु २०२६ महिलानां भारोत्तोलनस्पर्धायाः अष्टपञ्चाशत्किलोग्रामवर्गे कांस्यपदकं विजित्य बिन्दियाराणीं अभिनन्दितवान् शुभकामनाश्च प्रदत्तवान्। तेन उक्तं यत् बिन्दियाराण्या स्वस्य उत्कृष्टप्रदर्शनेन विश्वमञ्चे भारतस्य मानः वर्धितः। अस्याः एषा सफलता सर्वेषां देशवासिनां कृते प्रेरणादायिनी अस्ति।
मुख्यमन्त्री डा यादवः राष्ट्रमण्डलक्रीडास्पर्धासु २०२६ पुरुषाणां उच्चकूदनस्पर्धायां सर्वेशकुशारे रजतपदकविजयाय अभिनन्दितवान्। तेन उक्तं यत् सर्वेशकुशारेण स्वपरिश्रमेण समर्पणेन च राष्ट्रं गौरवान्वितम्। तस्य एषा उपलब्धिः राष्ट्रस्य युवानां कृते प्रेरणादायिनी भविष्यति।
शर्मिलाधनकडायै स्वर्णपदकविजयाय शिल्पाशायलायै कांस्यपदकविजयाय च अभिनन्दनम्। मुख्यमन्त्री डा यादवः राष्ट्रमण्डलक्रीडास्पर्धासु स्वर्णपदकं कांस्यपदकं च विजित्य शर्मिलाधनकडां शिल्पाशायलां च अभिनन्दितवान् शुभकामनाश्च प्रदत्तवान्। ग्लासगोनगरे प्रचलत्सु राष्ट्रमण्डलक्रीडास्पर्धासु २०२६ महिलानां शॉटपुट एफ ५७ स्पर्धायां शर्मिलाधनकडा स्वर्णपदकं शिल्पाशायला कांस्यपदकं च प्राप्तवती। मुख्यमन्त्री डा यादवः स्वसन्देशे उक्तवान् यत् पुत्र्यः भारतस्य मानं वर्धयन्ति। शर्मिलाधनकडायाः शिल्पाशायलायाश्च परिश्रमः धैर्यं समर्पणं च राष्ट्रस्य सर्वेषां युवानां कृते प्रेरणादायि भविष्यति।
---------------
Hindusthan Samachar / Dheeraj Maithani