Enter your Email Address to subscribe to our newsletters
हिन्दी-चलचित्र-जगतः प्रख्यातायाः अभिनेत्री-रेखायाः ऑस्ट्रेलिया-देशस्य मेलबर्न-नगरे आयोज्यमाने ‘इण्डियन फिल्म फेस्टिवल ऑफ मेलबर्न’ २०२६ मध्ये चलचित्रक्षेत्रे तस्याः अतुलनीय-योगदानस्य कृते सम्मानं भविष्यति।
अस्मिन् अवसरे तस्याः प्रतिष्ठितस्य चलचित्रस्य ‘उमराव जान’ इत्यस्य विशेष-प्रदर्शनमपि आयोजयिष्यते। मुजफ्फर अली-महोदयस्य निर्देशनं प्राप्तमिदं चलचित्रं १९८१ तमे वर्षे प्रदर्शितम् आसीत् तथा च अस्मिन् वर्षे तस्य प्रदर्शनस्य ४५ वर्षाणि पूर्णानि भविष्यन्ति। चलचित्रे रेखायाः अतिरिक्तं फारूख: शेखः, नसीरुद्दीन शाहः तथा राजबब्बरः अपि महत्त्वपूर्णभूमिकासु आसन्।
‘उमराव जान’ इत्यस्य विशेष-प्रदर्शनस्य विषये प्रसन्नतां प्रकटयन्ती रेखा अवदत् यत् एतत् चलचित्रं तस्याः हृदयस्य अतीव समीपम् अस्ति। सा अवदत् यत् एतत् केवलं चलचित्रं न, अपितु तस्याः स्मृतीनां जीवनस्य च महत्त्वपूर्णः भागः अस्ति। रेखा उक्तवती यत् एतावता वर्षाणाम् अनन्तरम् अस्य चलचित्रस्य वैश्विकमञ्चे पुनः सम्मानप्राप्तिः तस्यै भावुकतापूर्णः विनम्रताप्रदश्च अनुभवः अस्ति। सा अपि अवदत् यत् चलचित्रं तस्याः जीवनस्य महान् आशीर्वादः अभवत् तथा च आई.एफ.एफ.एम.-मध्ये उत्कृष्टता-पुरस्कारस्य प्राप्तिः तस्यै अतीव विशेषं सम्मानम् अस्ति।
रेखा अस्य सम्मानस्य कृते कृतज्ञतां प्रकटयन्ती अवदत् यत् सा एतत् केवलं स्वकीय-उपलब्धिरूपेण न, अपितु तेषां सर्वेषां चलचित्र-निर्मातॄणां, लेखकानां, सङ्गीतकाराणां तथा सहयोगिनां समर्पयति, येषां योगदानात् तस्याः चलचित्र-यात्रा स्मरणीया अभवत्।
आई.एफ.एफ.एम. २०२६ इत्यस्य आयोजनं मेलबर्न-नगरे अगस्त-मासस्य १३ दिनाङ्कात् २३ दिनाङ्कपर्यन्तं भविष्यति। अस्मिन् अवसरे अभिनेता पङ्कज: त्रिपाठी अपि ‘आर्टिस्ट ऑफ डिस्टिंक्शन’ सम्माननेन सम्मानितः भविष्यति।
Hindusthan Samachar / Divya Ranjan