सीवाननगरम्, २८ जुलाईमासः (हि.स.)। नीट-परीक्षायाः कथित-प्रश्नपत्र-प्रस्रवणस्य, केन्द्रीय-शिक्षामन्त्रिणः धर्मेन्द्र-प्रधानस्य त्यागपत्रस्य आग्रहस्य तथा जन्तर-मन्तर-पटनानगरयोः छात्रेषु जातस्य दंडप्रहारस्य विरोधार्थं २५ जुलाईमासे आहूतस्य बिहार-निरुद्धस्य समये सीवान-नगरे घटिता एका घटना नगरस्य प्राचीनस्मृतयः पुनर्जीवितवती। उग्र-प्रदर्शनकारिभिः बबुनिया-मोड-स्थले स्थितं भारतीयजनतापक्षस्य स्वागत-द्वारं क्षतिग्रस्तं कृतम्। अनन्तरं तैः भारतीयजनतापक्षस्य पूर्व-नगराध्यक्षस्य वार्ड-पार्षद: च अमित-कुमार-सिंहस्य उर्फ़ सोनू-सिंहस्य गृहे स्थापितं पक्षध्वजम् अपासारयितुं परिवारे बलं कृतम्। परिजनैः ध्वजम् अपासारिते सति परिस्थितिः शान्ता अभवत्।

एतस्या: घटनायाः दृश्य-चित्रं सामाजिक-माध्यमेषु शीघ्रं प्रसारितम्। ततः उत्तरप्रदेशस्य एकस्य राष्ट्रीय-दलस्य नेतापि तत् दृश्यं सहभागं कृत्वा अलिखत्— “भयवशात् अधुना भारतीय-जनतापक्षस्य ध्वजाः अपासार्यन्ते।” ततः एषः विषयः राजनैतिक-चर्चायाः केन्द्र-बिन्दुः अभवत्।

अस्य घटनाक्रमस्य अनन्तरं नगरस्य बहवः जनाः १५ मई १९९६ दिवसस्य घटनां स्मृतवन्तः, यदा नगर-थाना-क्षेत्रस्य शाक-विपणे व्यापारी ओंकारमल-सरैयाः दिवसा एव हतः आसीत्। स्थानीय-स्तरे दीर्घकालात् एतत् कथनं प्रचलितं यत् सः स्वगृहात् भारतीयजनतापक्षस्य ध्वजम् अपासारयितुं निराकृतवान्, ततः तस्य दिवसा एव गुटिकाप्रहारेण हत्या कृता।

स्थानीय-जनानां कथनानुसारं २००५ वर्षात् पूर्वं सीवाने विधि-व्यवस्थाविषये व्यापक-चिन्ता आसीत्। तस्मिन् काले तत्कालीन-जिलाधिकारी सी.के. अनिल तथा आरक्षक-अधीक्षकः रत्न-सञ्जयः अपराध-नियन्त्रणार्थं बहून् अभियानान् सञ्चालितवन्तौ। पश्चात् एन.डी.ए.-सर्वकारस्य गठनानन्तरं जनैः राहत् अनुभूता। २५ जुलाई-दिनस्य घटनानन्तरं पुनरेकवारं राजनैतिक-सहिष्णुता, अभिव्यक्ति-स्वातन्त्र्यं तथा विधि-व्यवस्था इत्येषु विषये चर्चा तीव्रा जाता।

अनेकानां मतम् अस्ति यत् लोकतान्त्रिक-व्यवस्थायां कस्यचित् व्यक्तेः उपरि कस्यापि राजनैतिक-दलस्य ध्वजं स्थापयितुं वा अपासारयितुं वा बलं प्रदातव्यं नास्ति, तथा च एतादृशेषु प्रकरणेषु विधेः समानरूपेण पालनम् अपेक्षितम्।

२५ जुलाई-दिने सीवान-नगरस्य मार्गेषु प्रशासनस्य नेतृत्वं प्रत्यक्षतया दृष्टम्। जनपदाधिकारी विवेक-रञ्जन-मैत्रेयः तथा पुलिस-अधीक्षकः पूरन-कुमार-झा स्वयमेव मोर्चायां स्थितवन्तौ। पाषाण-प्रहारे आरक्षक-अधीक्षकं सहित्य बहवः आरक्षक-अधिकारिणः जवानाश्च आहताः अभवन्, तथापि ते न प्रत्यपसर्पन्, अपितु अभियानस्य नेतृत्वं निरन्तरं कृतवन्तः। प्रशासनस्य शीघ्रया दृढया च कार्यवाह्या उपद्रवः नियन्त्रितः, नगरे विधि-व्यवस्था पुनः स्थापिता।

स्थानीय-जनानां मतम् अस्ति यत् समये एव कृतैः एतैः उपायैः परिस्थितेः अधिकगम्भीरत्वं निवारयितुं महत्त्वपूर्णा भूमिका निर्वुढा।

Hindusthan Samachar / Divya Ranjan