नवदेहली, २८ जुलाईमासः (हि.स.)। राष्ट्रपतिः द्रौपदी मुर्मू, लोकसभाध्यक्षः ओम बिरला, प्रधानमन्त्री नरेन्द्रः मोदी इत्येतैः च सह अनेके नेतारः मङ्गलवासरे राष्ट्रमण्डलक्रीडाः २०२६ मध्ये पदकविजेतृभ्यः भारतीयक्रीडकेभ्यः हार्दिकम् अभिनन्दनं शुभकामनाश्च अयच्छन्।

राष्ट्रपतिः मुर्मू एक्स इति सामाजिकमाध्यमे अलिखत्— “ग्लास्गो-नगर्यां आयोजितासु राष्ट्रमण्डलक्रीडासु २०२६ महिलानां एफ-५७ शॉटपुट्-स्पर्धायां स्वर्णपदकविजेत्र्यै शर्मिलाधनखड़ः, पुरुषाणां उच्चकूदनस्पर्धायां रजतपदक-विजेत्रे सर्वेश-अनिल-कुशारे, पुरुषाणां ७९ किलोग्राम-भारोत्तोलन-स्पर्धायां रजतपदकविजेत्रे वल्लुरी-अजय-बाबवे तथा महिलानां एफ-५७ शॉटपुट्-स्पर्धायां कांस्यपदक-विजेत्र्यै शिल्पा-के.-शायला इत्येताभ्यः हार्दिकाभिनन्दनम्। शर्मिला पैरा-क्रीडासु राष्ट्रमण्डलक्रीडासु भारतस्य प्रथमा स्वर्णपदकविजेत्री अभवत्। एषा ऐतिहासिकी उपलब्धिः युवाक्रीडकान् स्वस्वक्षेत्रेषु उत्कृष्टप्रदर्शनाय प्रेरयिष्यति। मम कामना अस्ति यत् भवती भविष्येऽपि अनेकाश्च सफलताः प्राप्नुयात्।”

लोकसभाध्यक्षः ओम् बिरला अवदत्— “ग्लास्गो-नगर्यां राष्ट्रमण्डलक्रीडासु २०२६ महिलानां ५८ किलोग्राम-भारोत्तोलन-स्पर्धायां कांस्यपदकविजेत्र्यै बिन्द्याराणी-देव्यै सोरोखाइबम इत्यस्यै हार्दिकम-भिनन्दनम्। निरन्तरं द्वयोः राष्ट्रमण्डलक्रीडयोः पदकप्राप्तिः भवत्याः असाधारणसमर्पणस्य दृढसंकल्पस्य च प्रमाणम् अस्ति। एवं प्रेरयन्ती देशस्य गौरवं वर्धयतु।”

प्रधानमन्त्री नरेन्द्रः मोदी अवदत्— “भारोत्तोलने भारतस्य कृते अन्यत् एकं पदकम्। ग्लास्गो-राष्ट्रमण्डलक्रीडासु महिलानां ५८ किलोग्राम-स्पर्धायां कांस्यपदकं विजित्य बिन्द्याराणीदेव्याः सोरोखाइबम-विषये वयं गर्वान्विताः स्मः। एषा सफलता तस्याः कठिनपरिश्रमस्य दृढसंकल्पस्य च फलम् अस्ति।”

केन्द्रीय-युवकार्य-क्रीडामन्त्री डॉ. मनसुखः माण्डविया अवदत्— “ग्लास्गो-नगर्याम् ऐतिहासिकं स्वर्णपदकम्। शर्मिला महिलानां एफ-५७ शॉटपुट्-स्पर्धायां स्वर्णपदकं विजित्य राष्ट्रमण्डलक्रीडासु २०२६ इतिहासं रचितवती। सा पैरा-क्रीडासु राष्ट्रमण्डलक्रीडासु स्वर्णपदकं विजेतुं समर्था भारतस्य प्रथमा क्रीडिका अभवत्। भवत्याः अटूटः उत्साहः वैश्विकमञ्चे सम्पूर्णस्य भारतस्य गौरवं वर्धितवान्।”

Hindusthan Samachar / Divya Ranjan