Enter your Email Address to subscribe to our newsletters
नव दिल्ली, 28 जुलाईमासः (हि.स.)।
पञ्जाबप्रदेशे कथितप्रश्नपत्रप्रसारणप्रकरणं प्रति भाजपासांसदैः मङ्गलवासरे संसदपरिसरस्य बहिः विरोधप्रदर्शनं कृतम्। सांसदाः पञ्जाबसर्वकारस्य विरुद्धं घोषणाः कृत्वा शिक्षामन्त्री हरजोतसिंहबैन्स इत्यस्य पदत्यागस्य आग्रहम् अकुर्वन्।
भाजपासांसदानां आरोपः अस्ति यत् पञ्जाबप्रदेशे परीक्षानियुक्तिप्रक्रियासु कथितप्रश्नपत्रप्रसारणेन अन्याभिः अनियमितताभिश्च लक्षशः छात्राणां भविष्यं प्रभावितम् अस्ति। तेषां मतम् अस्ति यत् अस्य प्रकरणस्य नैतिकउत्तरदायित्वं स्वीकृत्य शिक्षामन्त्री स्वपदात् त्यागपत्रं दद्यात्।
विरोधप्रदर्शनकाले भाजपासांसदाः हस्तेषु फलकानि धारयित्वा पञ्जाबसर्वकारस्य विरुद्धं घोषणाः अकुर्वन् तथा शिक्षाव्यवस्थायां पारदर्शितायाः सुनिश्चितीकरणस्य आग्रहम् अकुर्वन्।
---------------
Hindusthan Samachar / Dheeraj Maithani