-याेगिना स्वंगुरुदेवं ब्रह्मलीनं महंत अवेद्यनाथं, दादागुरुं ब्रह्मलीनं महंत दिग्विजयनाथं समेत्य नाथपथः सर्वेषां गुरुजनानां की अपि पूजा कृता

गोरखपुरम्, 29 जुलाईमासः (हि.स.)। गुरुपूर्णिमायाः पावनपर्वणि बुधवासरे प्रातःकाले गोरक्षपीठाधीश्वरः मुख्यमन्त्री योगीआदित्यनाथः शिवावतारस्य महायोगिनः गुरोः गोरक्षनाथस्य नाथपन्थपरम्परानुसारं विशिष्टपूजनम् अकरोत्। अस्मिन् अवसरे स्वगुरुदेवं ब्रह्मलीनमहन्तम् अवेद्यनाथम् दादागुरुं ब्रह्मलीनमहन्तं दिग्विजयनाथम् योगिराजं बाबागम्भीरनाथं सहितं नाथपन्थस्य सर्वान् गुरुजनान् अपि विधिविधानपूर्वकं पूजितवान्। गोरक्षपीठाधीश्वरः भगवान्तं गोरक्षनाथं अन्यान् गुरुजनान् च श्रद्धया प्रणम्य लोककल्याणस्य मार्गे मार्गदर्शनाय भावपूर्णां कृतज्ञतां व्यक्तवान्।

गोरक्षनाथमन्दिरे गुरुपूर्णिमायाः विशेषानुष्ठानं प्रातःकालादेव प्रारब्धम् तथा सामूहिकारात्रिकेन सह अनुष्ठानस्य समापनम् अभवत्। गोरक्षपीठाधीश्वरः मुख्यमन्त्री योगीआदित्यनाथः सर्वेभ्यः देशवासिभ्यः गुरुपूर्णिमायाः हार्दिकशुभकामनाः अपि प्रदत्तवान्। यद्यपि गोरक्षपीठाधीश्वरः यदा यदा गोरक्षनाथमन्दिरे भवति तदा गुरोः गोरक्षनाथस्य नाथपन्थस्य गुरुजनानां च दर्शनपूजनं तस्य दैनिकचर्यायाः अभिन्नः अङ्गः भवति तथापि गुरुपूर्णिमायाः अवसरः गोरक्षनाथमन्दिरे विशिष्टपूजायाः अवसरः भवति।

बुधवासरे गोरक्षपीठाधीश्वरः वैदिकमन्त्रोच्चारणस्य मध्ये महायोगिनः गोरक्षनाथस्य मन्दिरपरिसरे विद्यमानानां सर्वेषां देवविग्रहाणां नाथपन्थस्य गुरुणां प्रतिमानां च समक्षं विधिविधानपूर्वकं पूजनम् अकरोत्। आनुष्ठानिककार्यक्रमक्रमे सः प्रथमं नाथपन्थस्य आदिगुरोः भगवान्तः गोरक्षनाथस्य दरबारे उपस्थितिं कृतवान्। वैदिकमन्त्रोच्चारणस्य मध्ये तस्य विशिष्टपूजनम् अकरोत्। ततः सः परिसरे विद्यमानानां सर्वेषां देवविग्रहाणां समीपं गत्वा तेषां पूजनम् अकरोत्। अनन्तरं सः क्रमशः बाबागम्भीरनाथस्य स्वदादागुरोः ब्रह्मलीनमहन्तदिग्विजयनाथस्य गुरुदेवस्य ब्रह्मलीनमहन्तअवेद्यनाथस्य अन्येषां ब्रह्मलीनगुरूणां च समाधिस्थलेषु गतवान्। वैदिकमन्त्रोच्चारणस्य मध्ये सर्वेषां पूजनं कृत्वा तेषाम् आशीर्वादं प्राप्तवान्।

गोरक्षनाथमन्दिरे नाथपन्थस्य विशिष्टपरम्परानुसारं गुरवे गोरक्षनाथाय रोटमहाप्रसादः अपि समर्पितः। पूजार्चनायाः आनुष्ठानिकी प्रक्रिया सम्पन्ना अभवत् ततः गुरुपूर्णिमायां परम्परानुसारिणी सामूहिकारात्रिका सम्पन्ना तथा सर्वेषां गुरुणां प्रति श्रद्धा समर्पिता।

Hindusthan Samachar / Dheeraj Maithani