पश्चिम-मेदिनीपुरम्, २९ जुलाईमासः (हि.स.)। पश्चिम-मेदिनीपुर-जनपदस्य नारायणगढ-विधानसभा-क्षेत्रान्तर्गतस्य बेलदा ८/२ क्षेत्रस्य देउली-मध्यपाडा-ग्रामे अद्यतन-जलमग्न-प्रदेशस्य बुधवासरे प्रातःकाले भाजपादलस्य नेता रमाप्रसाद-गिरि-महोदयेन निरीक्षणं कृतम्।

तेन स्वदलस्य सदस्यैः सह घटनास्थलं प्राप्य परिस्थितेः समीक्षणं कृतम् तथा स्थानीय-जनैः सह संवादं कृत्वा जल-निर्गमन-व्यवस्थायाः वर्तमानस्थितेः विस्तृता सूचना प्राप्ता।

उल्लेखनीयं यत् निरन्तर-वृष्टेः कारणात् पश्चिम-मेदिनीपुर-जनपदस्य नारायणगढ-केशियाडी-बेलदा-क्षेत्रेषु बाढसदृशी स्थितिः उत्पन्ना अस्ति। अनेके निम्नप्रदेशा: जलमग्ना: अभवन्, येन जनजीवनं अत्यन्तं प्रभावितम्। मार्गेषु जलसञ्चयात् आवागमनं बाधितम् अस्ति, कृषिक्षेत्रेषु गृहेषु च जलप्रवेशात् स्थानीयजनाः महतीं कठिनतां अनुभवन्ति।

निरीक्षणस्य समये रमाप्रसाद-गिरि-महोदयेन ज्ञातं यत् दीर्घकालात् जल-निर्गमन-व्यवस्था सम्यक् न प्रवर्तते, अतः क्षेत्रवासिनः बहुभिः कष्टैः पीड्यन्ते। तेन स्थानीयजनान् आश्वास्य उक्तं यत् अस्य समस्यायाः स्थायि-समाधानार्थम् अतीव शीघ्रं आवश्यकानि पदानि गृहीष्यन्ते।

विधायकः अवदत् यत् जनसमस्यानां समाधानमेव तस्य संकल्पः अस्ति। तेन पुनरुक्तं यत् सः जनानां सुखदुःखयोः सर्वदा सार्धं स्थितवान् अस्ति तथा भविष्येऽपि तै: सह एव स्थास्यति।

Hindusthan Samachar / Divya Ranjan