देवरियानगरम्, ०६ जुलाईमासः (हि.स.)। भारतीय-जनसङ्घस्य संस्थापकस्य डॉ.श्यामाप्रसाद-मुखर्जी-महोदयस्य १२५-तम्यां जयन्त्यां सोमवासरे भाजपायाः किसान-मोर्चा-देवरिया-इत्यस्य पक्षतः नूतन-कालोनी-स्थिते फिटनेस-उद्याने श्रद्धाञ्जलि-कार्यक्रमः आयोजितः। अस्मिनवसरे कार्यकर्तारः डॉ.श्यामाप्रसाद-मुखर्जी-महोदयस्य प्रतिमायां माल्यार्पणं पुष्पार्पणं च कृत्वा श्रद्धाञ्जलिम् अर्पितवन्तः, तस्य राष्ट्रसेवायाः राष्ट्रियैकतायाश्च आदर्शान् स्मृतवन्तश्च।

कार्यक्रमम् सम्बोधयन् किसान-मोर्चायाः जनपदाध्यक्षः पवन-कुमार-मिश्रः अवदत् यत् डॉ.श्यामाप्रसाद-मुखर्जी-महोदयस्य राष्ट्राय समर्पणं त्यागः बलिदानं च सर्वदा प्रेरणादायकं भविष्यति। तेन उक्तं यत् राष्ट्रस्य एकताम् अखण्डतां च सुदृढीकर्तुं डॉ.मुखर्जी एक-निशान, एक-विधान, एक-प्रधान इति सन्देशम् अददात्। तस्य विचाराः अद्यापि समाजस्य राष्ट्रस्य च मार्गदर्शकाः सन्ति। सर्वैः राष्ट्रहितस्य राष्ट्रसेवायाश्च तस्य आदर्शाः अनुसर्तव्याः इति तेन उक्तम्।

पूर्व-जनपद-माध्यम-प्रभारी अम्बिकेश-पाण्डेयः अवदत् यत् डॉ.श्यामाप्रसाद-मुखर्जी-महोदयः राष्ट्रं प्रथमम् इति भावनां स्वजीवनस्य ध्येयम् अकरोत्। जम्मू-कश्मीरस्य भारतस्य अभिन्नाङ्गत्वं संरक्षितुं तस्य संघर्षः भारतीय-इतिहासस्य महत्त्वपूर्णोऽध्यायः इति तेन उक्तम्। तस्य सिद्धान्ताः राष्ट्रभक्तिः दूरदर्शी-नेतृत्वं च यूनः निरन्तरं प्रेरयिष्यन्ति इति सः अवदत्।

कार्यक्रमे कार्यकर्तारः डॉ.मुखर्जी-महोदयस्य जीवनं योगदानं च स्मृत्वा राष्ट्रस्य एकतायै अखण्डतायै विकासाय च कार्यं कर्तुं संकल्पम् अकुर्वन्। अस्मिन्नवसरे रत्नेश्वर-गर्गः, डॉ.विनोद-पाण्डेयः, राजू-कुमारः, अमरजीतः, अनमोल-मिश्रः, वेदान्त-पाण्डेयः, विजय-कुशवाहः, सन्दीप-गौण्डः, अरुण-मिश्रः तथा भाजपायाः किसान-मोर्चायाः अन्ये बहवः पदाधिकारिण: कार्यकर्तारश्च उपस्थिताः आसन्।

Hindusthan Samachar / Divya Ranjan