कोलकाता, 05 जुलाईमासः (हि.स.)।बारुईपुरे एकादशवर्षीयायाः नाबालिकायाः बलात्कारस्य हत्यायाश्च घटनायां जादवपुरस्य सांसद सायोनीघोषः गहनम् आक्रोशं दुःखं च प्रकटितवती। सा पीडितपरिवारेण सह प्रत्येकस्मिन् स्तरे स्थातुम् आश्वासनं दत्तवती तथा राज्यसर्वकारस्य त्वरितकार्यवाह्याः प्रशंसां कृतवती।

सामाजिकसञ्चारमाध्यमे सन्देशं प्रकाशयन्ती सायोनीघोषः अलिखत् यत् बारुईपुरे घटितया अनया नृशंसघटनया सा स्तब्धा मर्माहता च अस्ति। सा अवदत् यत् शोकाकुलपरिवारं सान्त्वयितुं तस्याः समीपे शब्दाः न सन्ति। अस्मिन् समये सा सामाजिकरूपेण मानसिकरूपेण प्रशासनिकरूपेण च परिवारेण सह अस्ति।

सांसद सायोनीघोषः अग्रे अवदत् यत् सा मुख्यमन्त्रिणा शुभेन्दुअधिकारिणा सह अस्य प्रकरणस्य विषये चर्चां कृतवती तथा तस्याः आश्वासनं प्राप्तम् यत् राज्यसर्वकारः अपराधिनाम् अभिज्ञानं ग्रहणं शीघ्रन्यायस्य सुनिश्चितीकरणं च कर्तुं पूर्णतया प्रतिबद्धः अस्ति। सा अवदत् यत् आरोपितानां ग्रहणाय प्रकरणस्य त्वरितनिष्पादनाय च विशेषान्वेषणदलस्य गठनं कृतम् अस्ति। सायोनीघोषः त्वरितानि आवश्यकानि च पदानि ग्रहीतुं मुख्यमन्त्रिणं धन्यवादं दत्तवती।

सा इदमपि अवदत् यत् स्थानीयसांसदरूपेण सा प्रशासनेन सह निरन्तरं सम्पर्के अस्ति येन अन्वेषणं सम्यक् दिशि शीघ्रतया च पूर्णं भवेत्।

नाबालिकायाः मृत्योः अनन्तरं क्षेत्रे आक्रोशिता जनसम्मर्दः एकस्य व्यक्तेः ताडनं कृतवान् येन तस्य मृत्युः अभवत्। अस्यां घटनायां प्रतिक्रियां प्रकटयन्ती सायोनीघोषः अवदत् यत् जनाक्रोशकारणेन घटितस्य अस्य सामूहिकहिंसाकाण्डस्य सा कठोरं निन्दां करोति। सा निवेदनं कृतवती यत् कस्यामपि परिस्थितौ विधिः स्वहस्ते न ग्रहीतव्यः।

सांसद सायोनीघोषः शोकसन्तप्तपरिवारं स्थानीयजनान् च प्रशासने विश्वासं स्थापयितुं आरक्षकान्वेषणे सहयोगं कर्तुं क्षेत्रे शान्तिं च स्थापयितुं निवेदनं कृतवती।

बारुईपुरे नाबालिकायाः बलात्कारस्य हत्यायाश्च घटनानन्तरं सम्पूर्णे राज्ये आक्रोशः अस्ति। आरक्षकैः रात्रिपर्यन्तं अन्वेषणाभियानं सञ्चाल्य अस्मिन् प्रकरणे त्रयः आरोपिताः अभिरक्षायां गृहीताः सन्ति जबकि द्वौ जनौ गृहीतौ स्तः। अतिरिक्तारक्षकाधीक्षकस्य नेतृत्वे षट्सदस्यीयं विशेषान्वेषणदलं प्रकरणस्य अन्वेषणं करोति।

Hindusthan Samachar / Dheeraj Maithani