नारनौलम्, ०६ जुलाईमासः (हि.स.)। जनपदस्य सोहड़ी-ग्रामस्य अग्निवीरः शङ्करसिंहः (२२) इत्यस्य पार्थिवशरीरं सोमवासरे तस्य पैतृकग्रामम् आनायितम्, यत्र तस्य पूर्ण-सैन्यसम्मानेन सह अन्त्येष्टिः सम्पन्ना। अन्तिमयात्रायां बहुसंख्यकाः ग्रामवासिनः, पूर्वसैनिकाः तथा गणमान्यजनाः सहभागी अभवन्। सम्पूर्णे ग्रामे शोकस्य वातावरणम् अभवत्।

प्राप्तसूचनानुसारं शङ्करसिंहः राज-पूतानाराइफल्स-दले लिपिक-पदे कार्यरतः आसीत्। तस्य नियुक्तिः जम्मू-कश्मीरस्य राजौरी-जनपदस्य मञ्जाकोट-आरक्षक-स्थानक-क्षेत्रे स्थितायां तरकुण्डी-गल्याम् आसीत्। गत-शनिवासरे (०४ जुलाई) सैन्यदलस्य शिविरे सहसा गुटिकि-प्रक्षेपणस्य घटनायां सः गम्भीररूपेण आहतः अभवत्। तत्क्षणमेव तम् चिकित्सालयं नीतवन्तः, यत्र चिकित्सकैः सः मृतः घोषितः।

परिवारस्य कथनानुसारं सेवायाः भुषूण्डे: परिशोधनसमये सहसा गुटिका प्रचलिता। तथापि सेना अस्य घटनायाः अन्वेषणम् आरब्धवती अस्ति, अद्यापि च गुटिकासु परिस्थितिषु प्रचलिता इति स्पष्टं न जातम्। ज्ञायते यत् तस्य सेवाकालस्य षोडश मासाः अवशिष्टाः आसन्। तस्य पिता दीपसिंहः अपि पूर्वं सेनायां सेवां कृतवान्।

शङ्करसिंहस्य परिवाराय एषः द्वितीयः महत् शोकः अस्ति। गतस्य १० जून-दिनाङ्के तस्य पत्नी अपि आत्महत्यां कृतवती आसीत्। सोमवासरे सम्पन्नायां अन्तिमयात्रायां ग्रामवासिभिः “भारतमाता की जय” तथा “शङ्करसिंहः अमरः अस्तु” इति घोषाः कृताः। सूबेदारः सूरजभानः तथा सूबेदारः सन्तलालः इत्येतयोः नेतृत्वे सेनादलेन तस्मै अन्तिम-सैन्य-नमनं प्रदत्तम्। अस्मिन् अवसरे महेन्द्रगढ़-विधानसभाक्षेत्रस्य विधायकः कंवरसिंहः, बाबा वचनाईनाथः तथा अनेके गणमान्यजनाः उपस्थिताः आसन्।

Hindusthan Samachar / Divya Ranjan