प्रेरणा स्थले अटल बिहारी वाजपेयी, डॉ. श्यामा प्रसाद मुखर्जी अथ अशोक सिंघलः चेत्येषां प्रतिमानां कृतम् अनावरणम् कथितं- राष्ट्र निर्माणे महापुरुषाणां आदर्शः नूतनसंततेः करिष्यति मार्गदर्शनम्

प्रयागराजः, 06 जुलाईमासः (हि.स.)।

मुख्यमन्त्री योगी आदित्यनाथः सोमवासरे सङ्गमनगरी प्रयागराजस्य यमुनातटस्थिते कालीघाटस्य प्रेरणास्थले पूर्वप्रधानमन्त्रिणः अटलबिहारीवाजपेयीवर्यस्य डा श्यामाप्रसादमुखर्जीवर्यस्य विश्वहिन्दूपरिषदः पूर्वान्तर्राष्ट्रियाध्यक्षस्य अशोकसिंघलवर्यस्य च प्रतिमानाम् अनावरणं कृतवान्। अस्मिन् अवसरे मुख्यमन्त्री अवदत् यत् अद्य विकासेन सह स्वविरासतामपि संरक्षितुं आवश्यकता अस्ति। प्रधानमन्त्री नरेन्द्रमोदिनः नेतृत्वे विकासं विरासतां च सहैव नीत्वा चलितुं या चिन्तना अस्ति तां प्रयागराजनगरनिगमेन प्रेरणास्थलस्य माध्यमेन साकारयितुं प्रशंसनीयं कार्यं कृतम् अस्ति।

मुख्यमन्त्री अवदत् यत् डा श्यामाप्रसादमुखर्जीवर्यस्य अटलबिहारीवाजपेयीवर्यस्य अशोकसिंघलवर्यस्य च सम्पूर्णं जीवनं राष्ट्राय समाजाय च समर्पितम् आसीत्। तेषां विचाराः आदर्शाश्च आगामिनीः पीढीः राष्ट्रसेवायै प्रेरयिष्यन्ति। सः अवदत् यत् प्रयागराजस्य एषा भूमिः देशस्य राजनैतिकसांस्कृतिकाध्यात्मिकेतिहासस्य महत्त्वपूर्णा धरोहरा अस्ति तथा प्रेरणास्थलं तां विरासतां नवपीढीं प्रति प्रापयितुं माध्यमं भविष्यति।

कार्यक्रमे जलशक्तिमन्त्री स्वतन्त्रदेवसिंहः औद्योगिकविकासमन्त्री नन्दगोपालगुप्तः नन्दी सांसदः प्रवीणपटेलः महापौरः गणेशकेसरवानी एमएलसी सुरेन्द्रचौधरी पूर्वसांसदः डा रीताबहुगुणाजोशी पूर्वविधायकः उदयभानकरवरिया विधायकः हर्षवर्धनबाजपेयी अशोकबाजपेयी भारतीयजनतापार्टीप्रदेशोपाध्यक्षा पूजापालः डा कीर्तिकाअग्रवालः महानगराध्यक्षः संजयगुप्तः जिलापञ्चायताध्यक्षः डा बीकेसिंहः निर्मलापासवानः राजेशशुक्लः अमरनाथयादवः सहिताः बहुसंख्यकाः जनप्रतिनिधयः भारतीयजनतापार्टीपदाधिकारिणः नागरिकाश्च उपस्थिताः आसन्।

उपमुख्यमन्त्री केशवप्रसादमौर्यः अवदत् प्रेरणास्थलं राष्ट्रवादस्य सांस्कृतिकचेतनायाश्च प्रतीकम्

उपमुख्यमन्त्री केशवप्रसादमौर्यः अवदत् यत् प्रयागराजस्य प्रेरणास्थलं राष्ट्रवादिविचारधारायाः भारतस्य सांस्कृतिकविरासतायाश्च सशक्तं प्रतीकम् अस्ति। सः अवदत् यत् प्रधानमन्त्री नरेन्द्रमोदिनः मुख्यमन्त्रिणः योगी आदित्यनाथस्य च नेतृत्वे उत्तरप्रदेशे विकासाय विरासतायै च समानं महत्त्वं प्रदीयते। सः अवदत् यत् एतादृशेभ्यः प्रेरणास्थलेभ्यः युवानः महापुरुषाणां सङ्घर्षात् त्यागात् राष्ट्रनिर्माणे तेषां योगदानाच्च प्रेरणां प्राप्स्यन्ति।

महापौरः गणेशकेसरवानी कृतज्ञतां प्रकटितवान्

महापौरः गणेशकेसरवानी मुख्यमन्त्रिणं योगी आदित्यनाथं स्वागतं कुर्वन् अवदत् यत् प्रयागराजस्य सांस्कृतिकैतिहासिकस्वरूपं अधिकं समृद्धं कर्तुं प्रेरणास्थलस्य विकासः कृतः अस्ति। सः अवदत् यत् नगरनिगमस्य प्रयासः अस्ति यत् महापुरुषाणां विचाराः समाजं प्रति प्राप्नुयुः तथा युवपीढिः तेभ्यः प्रेरणां प्राप्य राष्ट्रनिर्माणे योगदानं दद्यात्।

एमएलसी सुरेन्द्रचौधरी ऐतिहासिकोपक्रमम् अवदत्

एमएलसी सुरेन्द्रचौधरी अवदत् यत् प्रेरणास्थलं केवलं प्रतिमानां परिसरः नास्ति अपितु राष्ट्रभक्तेः सांस्कृतिकचेतनायाः प्रेरणायाश्च केन्द्रम् अस्ति। सः अवदत् यत् अत्र प्रतिष्ठापितानां महापुरुषाणां जीवनं समाजाय राष्ट्रं प्रथमम् इति भावनया सह अग्रे गन्तुं सन्देशं ददाति।

कार्यक्रमस्य अवधौ बहुसंख्यकाः जनप्रतिनिधयः भारतीयजनतापार्टीकार्यकर्तारः नागरिकाश्च उपस्थिताः भूत्वा त्रिभ्यः महापुरुषेभ्यः श्रद्धाञ्जलिं समर्पितवन्तः।

Hindusthan Samachar / Dheeraj Maithani