Enter your Email Address to subscribe to our newsletters
सिलीगुड़ी, 06 जुलाईमासः (हि.स.)। भारतीयजनसङ्घस्य संस्थापकस्य डा श्यामाप्रसादमुखर्जिनः पञ्चविंशत्यधिकशततमी जयन्ती इत्यस्याः अवसरे सोमवासरे नक्सलबाडीमण्डलभाजपादलेन विविधाः सेवाकार्यक्रमाः जनकल्याणकार्यक्रमाश्च आयोजिताः।
अस्मिन् अवसरे नक्सलबाडीस्थिते बीडीओ कार्यालयपरिसरे स्वच्छताभियानं सञ्चालितम् यत्र तृणगुल्मादिकम् अपसार्य वृक्षारोपणं कृतम्। एतदतिरिक्तं पुलिसस्थानकपरिसरस्य सम्मुखे स्थापितानां महापुरुषाणां प्रतिमानां स्वच्छता कृता तथा च तासु माल्यार्पणं कृत्वा श्रद्धाञ्जलिः समर्पिता।
तथैव भाजपायुवामोर्चादलेन दिवसभरं यातायातपुलिसकर्मचारिभ्यः आवश्यकसामग्रीसमूहवितरणस्य कार्यक्रमोऽपि आयोजितः।
कार्यक्रमे नक्सलबाडीमण्डलभाजपादलस्य पदाधिकारिणः कार्यकर्तारश्च बहुसङ्ख्यया उपस्थिताः आसन्।
अस्मिन् अवसरे नक्सलबाडीमण्डलभाजपादलस्य अध्यक्षः अवदत् यत् डा श्यामाप्रसादमुखर्जी देशस्य कृते प्रेरणास्रोतः पथप्रदर्शकश्च अस्ति। सः अवदत् यत् दलं तेन प्रदर्शितानाम् आदर्शानां मार्गदर्शनस्य च अनुसरणं कुर्वत् समाजसेवाकार्याणि अग्रे वर्धयति।