नव दिल्ली, 06 जुलाईमासः (हि.स.)।दिल्लीविधानसभाध्यक्षः विजेन्द्रगुप्तः अवदत् यत् इतिहासस्य धूलिः प्रायः तेषु व्यक्तित्वेष्वपि सञ्चिता भवति यैः राष्ट्रनिर्माणे महत्त्वपूर्णा भूमिका निर्वाहिता भवति। एतादृशान् राष्ट्रनिर्मातॄन् जनमानसे पुनः तेषां समुचितं स्थानं प्रदातुं अस्माकं सर्वेषां सामूहिकं दायित्वम् अस्ति। एतान् विचारान् विजेन्द्रगुप्तः सोमवासरे दिल्लीपब्लिकलाईब्रेरी द्वारा डा श्यामाप्रसादमुखर्जीवर्यस्य १२५ तमजन्मजयन्त्यवसरे आयोजिते स्मृतिसमारोहे व्यक्तवान्।

अयं कार्यक्रमः दिल्लीपब्लिकलाईब्रेरीमुख्यालये डा श्यामाप्रसादमुखर्जीमार्गे चान्दनीचौकक्षेत्रे आयोजितः। कार्यक्रमे दक्षिणदिल्लीसंसदीयक्षेत्रस्य सांसदः बांसुरीस्वराजः राज्यसभासदस्यः विनोदतावडे दिल्लीपब्लिकलाईब्रेरी अध्यक्षः डा सुमीतभसीनः दिल्लीपब्लिकलाईब्रेरीमण्डलस्य सदस्याश्च उपस्थिताः आसन्।

डा श्यामाप्रसादमुखर्जीवर्याय श्रद्धाञ्जलिं समर्पयन् विजेन्द्रगुप्तः तं तादृशं दूरदर्शिनं राजनेतारं रूपेण स्मृतवान् येन सदैव राजनैतिकपदात् उपरि राष्ट्रहितं स्थापितम्। सः अवदत् यत् यद्यपि डा मुखर्जी स्वतन्त्रभारतस्य प्रथमकेन्द्रीयमन्त्रिपरिषदि उद्योगमन्त्री आसीत् तथापि सः कदापि काङ्ग्रेसदलस्य सदस्यः नासीत्।

सः अवदत् यत् महात्मागान्धिनः परामर्शेन डा भीमरावरामजीआम्बेडकरेण सह डा श्यामाप्रसादमुखर्जी अपि स्वतन्त्रभारतस्य प्रथममन्त्रिपरिषदि सम्मिलितः आसीत् येन देशस्य प्रथमसर्वकारे व्यापकं राष्ट्रियप्रतिनिधित्वं सुनिश्चितं भवेत्।

विजेन्द्रगुप्तः अवदत् यत् जम्मूकश्मीरनीतिविषये सैद्धान्तिकमतभेदानां कारणेन डा मुखर्जी अन्ततः केन्द्रीयमन्त्रिमण्डलात् त्यागपत्रं दत्तवान्। सः अवदत् यत् एकस्मिन् देशे द्वे संविधाने द्वे चिह्ने द्वौ प्रधानौ च न प्रचलिष्यन्ति इति सिद्धान्ते तस्य दृढता भारतस्य एकतायाः संवैधानिकाखण्डतायाः राष्ट्रियसम्प्रभुतायाश्च प्रति तस्य अटूटनिष्ठायाः प्रतीकम् आसीत्।

सः अवदत् यत् डा मुखर्जीवर्यस्य जीवनम् एतं स्थायिसन्देशं ददाति यत् सार्वजनिकजीवनं सदैव सिद्धान्तैः साहसेन व्यापकराष्ट्रीयहितेन च सञ्चालितं भवेत्।

विजेन्द्रगुप्तः अवदत् यत् इतिहासे अनेकानि महान् व्यक्तित्वानि ससम्मानं स्मर्यन्ते किन्तु कालक्रमेण तेषां योगदानानि जनमानसस्य स्मृतेः धूमिलानि भवितुम् आरभन्ते। सः अवदत् यत् दिल्लीविधानसभया एतादृशानां प्रायः ४५ विशिष्टानां किन्तु तुलनात्मकतया अल्पपरिचितानां राष्ट्रनिर्मातॄणां जीवनस्य योगदानस्य च दस्तावेजीकरणं प्रकाशनं च कर्तुं सतताभियानम् आरब्धम् अस्ति।

सः अवदत् यत् एषः उपक्रमः भारतस्य बौद्धिकसांस्कृतिकसंवैधानिकविरासतां संरक्षितुं विधानसभायाः प्रतिबद्धतायाः प्रतीकम् अस्ति।

---------------

Hindusthan Samachar / Dheeraj Maithani