महासमुंदस्य महिला समूहः धमतर्यां शीक्षिता आधुनिकी पशुपालनतकनीकी, उन्नतजातेः संतुलित पोषणस्य च अमिलत् सूचना

धमतरी, 06 जुलाईमासः (हि.स.)।वैज्ञानिकानाम् आधुनिकानां च पशुपालनप्रविधीनां ग्रामे ग्रामे प्रसारणदिशि पशुधनविकासविभागस्य उपक्रमः प्रभावी सिद्धः भवति। महासमुन्दजनपदस्य बागबाहराविकासखण्डस्य जोरातराईग्रामस्य महिलापशुपालकसमूहेन सोमवासरे धमतरीजनपदस्य मुख्यग्रामयोजना भोथली इत्यस्य अन्तर्गतं बोडराग्रामस्थितस्य गोधाम्नः गोविन्दीदेवगोशालायाश्च शैक्षणिकभ्रमणं कृतम्।

भ्रमणकाले महिलाभिः वैज्ञानिकपशुपालनस्य आधुनिकप्रविधीनां व्यावहारिकं प्रशिक्षणं प्राप्तम् तथा विशेषज्ञैः सह संवादं कृत्वा स्वजिज्ञासानां समाधानं प्राप्तम्।

पशुधनविकासविभागस्य विशेषज्ञैः कृत्रिमगर्भाधानमाध्यमेन उन्नतप्रजातीयपशूनां विकासस्य दुग्धोत्पादनवर्धनस्य कृष्या सह वैज्ञानिकपशुपालनं स्वीकृत्य अतिरिक्तायार्जनस्य आधुनिकप्रबन्धनप्रविधीनां च विस्तृता सूचना प्रदत्ता। पशूनां सन्तुलितपोषणे विशेषं बलं दत्त्वा हरिततृणस्य उत्पादनसंरक्षणयोः सह परालं यूरिया लवणं चूर्णीकृतचुनं च प्रयुज्य संस्कृत्य तस्य पोषणगुणवत्तां वर्धयितुं न्यूनव्यययुक्तप्रविधेः व्यावहारिकं प्रदर्शनमपि कृतम्। अस्मिन् महिलापशुपालिकाभिः विशेषरुचिः प्रदर्शिता तथा स्वग्रामेषु एतां प्रविधिं स्वीकर्तुं सङ्कल्पः कृतः।

शैक्षणिकभ्रमणं डा यादवस्य डा घृतलहरेवर्यस्य च नेतृत्वे आयोजितम्। मुख्यग्रामैककस्य भोथली इत्यस्य सहायकपशुचिकित्साधिकारी बीएस साहुः क्षेत्रे सञ्चाल्यमानस्य कृत्रिमगर्भाधानस्य पशुस्वास्थ्यसेवानां टीकाकरणस्य विभागीययोजनानां च विषये सूचनां प्रदत्तवान्। भ्रमणस्य अन्ते महिलापशुपालिकाभिः विभागस्य प्रयासानां प्रशंसा कृता तथा वैज्ञानिकप्रविधीः स्वीकृत्य पशुपालने उत्पादनम् आयं च वर्धयितुं सङ्कल्पः कृतः।

आधुनिकप्रविधिभिः पशुपालनं लाभप्रदं कर्तुं शक्यते डा टीआर वर्मा

मुख्यग्रामयोजना धमतरी इत्यस्य पशुप्रजननविशेषज्ञः डा टीआर वर्मा पशुप्रजातिसुधारस्य वैज्ञानिकप्रजननस्य सन्तुलितपोषणस्य रोगनिवारणस्य नियमितटीकाकरणस्य न्यूनव्ययेन अधिकोत्पादनप्रदायिनीनाम् आधुनिकपशुपालनपद्धतीनां च विषये सूचनां प्रददन् अवदत् यत् वैज्ञानिकदृष्टिकोणम् आधुनिकप्रविधीश्च स्वीकृत्य पशुपालनम् अधिकं लाभप्रदं कर्तुं शक्यते तथा एतत् महिलानाम् आर्थिकसशक्तीकरणस्य अपि सुदृढं माध्यमं भवति।

Hindusthan Samachar / Dheeraj Maithani