लखनऊनगरम्, ०७ जुलाईमासः (हि.स.)। राष्ट्रियलोकदलस्य (रालोद) केन्द्रीयसांसदीयमण्डलस्य प्रथमा सभा बुधवासरे, ८ जुलाई २०२६, प्रातः ११:०० वादने नवीनदिल्लीस्थे रफीमार्गे स्थिते कॉन्स्टिट्यूशन क्लब इत्यस्य समितिकक्षे आयोजिता भविष्यति। एषा सूचना दलस्य केन्द्रीयकार्यालयसचिवः समरपालसिंहः मङ्गलवासरे प्रदत्तवान्।

तेन प्रकाशितपत्रे उक्तं यत् अस्याः सभायाः अध्यक्षतां संसदीयमण्डलस्य अध्यक्षः के.सी. त्यागी करिष्यति। अस्यां सभायां दलाध्यक्षः तथा केन्द्रीयकौशलविकास-उद्यमशीलताराज्यमन्त्री (स्वतन्त्रप्रभारः) शिक्षाराज्यमन्त्री च जयन्तचौधरिणा सह मण्डलस्य सर्वे सदस्याः उपस्थिताः भविष्यन्ति।

उल्लेखनीयम् अस्ति यत् रालोद-केन्द्रीयसांसदीयमण्डलस्य गठनं गत ३० जून-दिनाङ्के कृतम्। अस्य उद्देश्यम् उत्तरप्रदेशे २०२७ विधानसभानिर्वाचनस्य रणनीतेः तथा पूर्वसज्जानां सुदृढीकरणं, अन्येषु राज्येषु च सङ्गठनविस्तारस्य रूपरेखां सशक्तां कर्तुम् अस्ति। एतस्मिन् क्रम एव बुधवासरे संसदीयमण्डलस्य प्रथमा सभा आहूता अस्ति। मन्यते यत् अस्यां सभायां सङ्गठनविस्तारस्य, उत्तरप्रदेश-विधानसभानिर्वाचनस्य च विषये महत्त्वपूर्णनिर्णयाः स्वीकृताः भविष्यन्ति तथा निर्वाचनाय रणनीतिरपि निर्धारिता भविष्यति।

Hindusthan Samachar / Divya Ranjan