Enter your Email Address to subscribe to our newsletters
झाड़ग्रामः, 08 जुलाईमासः (हि.स.)।अखिलभारतीयविद्यार्थिपरिषदः झाडग्रामजनपदैककेन सदस्यताभियानान्तर्गतं आयोजिता सदस्यताकार्यशाला मङ्गलवासरे सायं विलम्बेन सम्पन्ना। कार्यशालायां सङ्गठनस्य विस्तारः सदस्यताभियानस्य प्रभावीकरणम् आगामीसाङ्गठनिकगतिविधयश्च इत्येतेषु विषयेषु विस्तरेण चर्चा कृता।
कार्यशालां सम्बोधयन् दक्षिणबङ्गप्रान्तस्य सहसङ्गठनमन्त्री संजयमल्लिकः सदस्यताभियानं ग्रामे ग्रामे महाविद्यालयेषु च प्रापयितुम् आह्वानं कृतवान्। सः कार्यकर्तृभ्यः अधिकाधिकान् विद्यार्थिनः परिषदः सह संयोजयितुम् आग्रहं कृतवान्।
अस्मिन् अवसरे मेदिनीपुरताम्रलिप्तविभागयोः सङ्गठनमन्त्री संदीपदासः विभागप्रमुखः सुजीतमुदली राष्ट्रियस्वयंसेवकसङ्घस्य विभागसम्पर्कप्रमुखः उत्तमबेजः विभागसंयोजकः बापीदासः जनपदप्रमुखः सौमेनपालः जनपदसंयोजकः देबाशीषमहतो च सहिताः बहुसङ्ख्याकाः कार्यकर्तारः उपस्थिताः आसन्।
सभायां सदस्यताभियानस्य रणनीतिः सङ्गठनसुदृढीकरणम् आगामीकार्यक्रमाणां रूपरेखा च इत्येतेषु विषयेषु विस्तरेण विचारविमर्शः कृतः। कार्यकर्तृभ्यः अभियानं जने जने प्रापयितुं विद्यार्थिहिताय च सक्रियां भूमिकां निर्वोढुम् आह्वानं कृतम्।
---------------
Hindusthan Samachar / Dheeraj Maithani