Enter your Email Address to subscribe to our newsletters
रायपुरम्, ०८ जुलाईमासः (हि.स.)। छत्तीसगढ-गृहनिर्माण-अधोसंरचना-विकास-मण्डलेन रायपुरस्य डूमरतराई-क्षेत्रे विकसितस्य अत्याधुनिकस्य नवीन-थोक-विपणस्य नामकरण-लोकार्पण-समारोहः अद्य बुधवासरे आयोज्यते। प्रदेशस्य मुख्यमन्त्री विष्णुदेवसायः अस्य आधुनिक-व्यापारिक-परिसरस्य लोकार्पणं नामकरणं च कृत्वा तत् प्रदेशवासिभ्यः व्यापारिभ्यश्च समर्पयिष्यति। समारोहस्य अध्यक्षतां आवास-पर्यावरण-वित्त-वाणिज्यिक-कर-योजना-आर्थिक-सांख्यिकीमन्त्री ओ.पी. चौधरी करिष्यति।
उल्लेखनीयम् अस्ति यत् राष्ट्रिय-राजमार्गे–३० प्रायः ३६ एकर-क्षेत्रे विकसितं अत्याधुनिकं थोक-विपणं व्यापारिणां आवश्यकतानां दृष्ट्या आधुनिक-सुविधाभिः सुसज्जितम् अस्ति। परिसरे विस्तृताः मार्गाः, पर्याप्ता वाहन-स्थापन-व्यवस्था, सुगमा यातायात-व्यवस्था, सुव्यवस्थिता व्यापारिक-अधोसंरचना तथा आवश्यक-नागरिक-सुविधाः समुचितरूपेण उपलब्धाः सन्ति। अयं बाजारः रायपुरस्य सहितं सम्पूर्णस्य प्रदेशस्य व्यापारिक-विकासाय नूतनां दिशं प्रदास्यति, आर्थिक-क्रियाकलापेभ्यश्च नूतनां गतिम् अपि प्रदास्यति।
Hindusthan Samachar / Divya Ranjan