Enter your Email Address to subscribe to our newsletters
बीकानेरम्, ०८ जुलाईमासः (हि.स.)। अन्ताराष्ट्रिय-वैश्य-महासम्मेलनस्य बीकानेर-प्रतिनिधिमण्डलं जनपदाध्यक्षस्य विनोदबाफ्नस्य नेतृत्वे भारतशासनस्य केन्द्रीय-विधि-न्यायमन्त्रीं अर्जुनराममेघवालं कर्तव्य-भवनस्थिते तस्य कार्यालये शिष्टाचारसाक्षात्कारार्थम् अगच्छत्। अस्मिन् अवसरे संस्थायाः अग्रिम-कार्ययोजनाभिः, विस्तारकार्यैः तथा सामाजिक-क्रियाकलापैः सम्बद्धा विस्तृता चर्चा अभवत्।
प्रतिनिधिमण्डलस्य स्वागतं कुर्वन् केन्द्रीयमन्त्री अर्जुनराममेघवालः अन्ताराष्ट्रिय-वैश्य-महासम्मेलनेन समाजहिताय क्रियमाणानां कार्याणां प्रशंसाम् अकरोत्। जनपदाध्यक्षः विनोदबाफ्नः संस्थायाः स्वरूपं, सदस्यता-अभियानं तथा विविधाः सामाजिक-जनहितकारी-योजनाः इत्येषां विषये विस्तरेण अवगतवान्। मन्त्री बीकानेर-इकाईद्वारा सदस्यता-अभियाने उत्कृष्ट-प्रदर्शनं कृत्वा प्रथमस्थानप्राप्त्यर्थं सम्पूर्णदलस्य अभिनन्दनं कृत्वा तेषां प्रयत्नानां प्रशंसाम् अकरोत्।
सभायां केन्द्रीयमन्त्री कर्तव्य-भवनस्य विशेषताः कार्यप्रणालीं च अपि अवगतवान्। प्रतिनिधिमण्डलेन संस्थायाः भावि-कार्यक्रमाणां समाजहितसम्बद्धानां विविधविषयाणां च विषये स्वविचाराः प्रस्तुताः। अन्ते सर्वे सदस्याः केन्द्रीय-मन्त्रिणा सह सामूहिक-छायाचित्रम् अपि अगृह्णन्।
अस्मिन् अवसरे राज्य-महिला-इकाई-अध्यक्षा चारूगुप्ता, संयुक्त-महामन्त्री जेठमलनाहटा, युवा-विङ्गस्य यशुचाण्डकः, राष्ट्रिय-कार्यसमिति-सदस्यः विजयबाफ्नः, टोंक-जनपदस्य पूर्व-जनपदप्रमुखा सरोजबंसलः तथा अन्ये पदाधिकारीणः कार्यकर्तारश्च उपस्थिताः आसन्।
उल्लेखनीयम् अस्ति यत् अर्वाचीनकाले आयोजिते अन्ताराष्ट्रिय-वैश्य-महा-सम्मेलनस्य स्थापना-दिवस-सम्मान-समारोहे केन्द्रीयमन्त्रिणा अर्जुनराम-मेघवालेन बीकानेर-प्रतिनिधिमण्डलं स्वकार्यालये आमन्त्रितम् आसीत्, तस्यैव क्रमस्य अन्तर्गतं एतत् शिष्टाचारमिलनं सम्पन्नम्।
Hindusthan Samachar / Divya Ranjan